Success Story: नोकरी सोडली, बिझनेसने तारलं; 'खरात बंधू'नी आर्थिक अडचणींवर 'आईच्या चवीने' मिळवले विजय

घरची आर्थिक परिस्थिती हालाखीची असल्यामुळे शिक्षण अर्धवट सोडावं लागलेल्या नाशिकच्या श्रीकांत खरात या तरुणाने मात्र हार मानली नाही. जीवनातील संघर्षांना तोंड देत या तरुणाने 'खरात बंधू' नावाने स्वतःचा खिमा पाव सेंटरचा व्यवसाय सुरू केला आहे. नोकरीतून मिळणाऱ्या उत्पन्नापेक्षा स्वतःच्या व्यवसायातून अधिक पैसे कमावत असल्याचे या युवा उद्योजकाने 'लोकल १८'ला दिलेल्या मुलाखतीत सांगितले. चला, त्याची ही प्रेरणादायी व्यावसायिक कहाणी जाणून घेऊया.