2025चा सर्वात मोठा कट उघड, चीनने 'सीक्रेट्स' वर डल्ला मारला; काळजाचा ठोका चुकला,अमेरिका हादरली

चीनच्या परराष्ट्र मंत्रालयाचे प्रवक्ते लिन जियान यांनी अलीकडील एका पत्रकार परिषदेत CIA च्या चीनी गुप्तहेरांना भरती करण्याच्या प्रयत्नांबाबत विचारलेल्या प्रश्नाला उत्तर देताना सांगितले, अमेरिका अनेक वर्षांपासून इतर देशांचे रहस्य चोरण्यासाठी सर्व प्रकारचे चुकीचे मार्ग वापरत आहे. अमेरिकन गुप्तचर अधिकाऱ्यांनी म्हटले आहे की, चीन हे अमेरिकेच्या आर्थिक आणि राजकीय हितासाठी एक महत्त्वाचा आणि सातत्यपूर्ण धोका निर्माण करतो. त्यासाठी चीनने डिजिटल संघर्षाची साधनं वापरली आहेत. ज्यात ऑनलाइन प्रचार आणि चुकीची माहिती, कृत्रिम बुद्धिमत्ता, सायबर देखरेख आणि हेरगिरी यांचा समावेश आहे. ही साधने कोणत्याही लष्करी संघर्षात निर्णायक फायदे मिळवण्यासाठी डिझाइन केलेली आहेत.