Donald Trump : अमेरिकेत पुन्हा ट्रम्प सरकार, दुसऱ्यांदा घेतली राष्ट्राध्यक्षपदाची शपथ

वॉशिंग्टन : डोनाल्ड ट्रम्प यांनी अमेरिकेच्या राष्ट्राध्यक्षपदाची पुन्हा एकदा शपथ घेतली आहे. डोनाल्ड ट्रम्प हे अमेरिकेचे 47 वे राष्ट्राध्यक्ष झाले आहेत. ट्रम्प दुसऱ्यांदा अमेरिकेच्या राष्ट्राध्यक्षपदी विराजमान झाले आहेत. खचाखच भरलेल्या कॅपिटल रोटुंडा हॉलमध्ये ट्रम्प यांचा शपथविधी सोहळा पार पडला. डोनाल्ड ट्रम्प यांच्या शपथविधीला जगभरातील दिग्गजांनी हजेरी लावली. या सोहळ्याला 800 पाहुण्यांनी हजेरी लावली, तर कॅपिटल बिल्डिंगमध्ये 1,300 पाहुणे तर कॅपिटल व्हिजिटर सेंटरच्या थिएटरमध्ये 500 पाहुणे उपस्थित होते. शपथ घेण्याआधी ट्रम्प यांनी अमेरिकेचे मावळते अध्यक्ष जो बायडेन यांची व्हाईट हाऊसमध्ये जाऊन भेट घेतली.