आई रक्ताच्या थारोळ्यात, बापाचा क्रूर चेहरा पाहून मुलं कपाटात लपली; एका कॉलने भावंडांचा जीव वाचला, जॉर्जिया हत्याकांडाची Inside story

या भीषण घटनेच्या वेळी घरात लहान मुलेही उपस्थित होती. पोलिसांनी दिलेल्या माहितीनुसार, गोळीबार सुरू होताच तीन मुलांनी जीव वाचवण्यासाठी घरातील एका कपाटात धाव घेऊन लपून बसले. या मुलांपैकी एका मुलाने प्रसंगावधान राखत थेट 911 वर फोन करून पोलिसांना घटनेची माहिती दिली. या फोनमुळेच पोलिसांना तात्काळ हालचाल करता आली.

ही घटना शुक्रवारी पहाटे घडली. स्थानिक वेळेनुसार सुमारे 2.30 वाजता ब्रुक आयव्ही कोर्ट परिसरातील 1000 ब्लॉकमधील एका घरातून गोळीबाराची माहिती पोलिसांना मिळाली. घटनास्थळी पोहोचताच पोलिसांना घरात चार प्रौढ व्यक्तींचे मृतदेह आढळून आले. सर्वांच्या शरीरावर गोळी लागल्याच्या जखमा होत्या. घरात उपस्थित असलेली तीनही मुले भीतीपोटी कपाटात लपली होती. यापैकी एका मुलाने केलेल्या वेळेवरच्या 911 कॉलमुळेच पोलिस काही मिनिटांत घटनास्थळी पोहोचू शकले, असे अधिकाऱ्यांनी सांगितले. सुदैवाने या गोळीबारात मुलांना कोणतीही इजा झाली नाही. सध्या या मुलांना कुटुंबातीलच एका सदस्याने आपल्या ताब्यात घेतले आहे.