Ind vs Pak: अमेरिकेचा पाकला दणका, संघर्षाच्या पार्श्वभूमीवर मोठा निर्णय, तुर्कीची भूमिका काय?

मुंबई: भारत आणि पाकिस्तानमधील तणाव वाढत असतानाच अमेरिकेचे उपराष्ट्रपती जे.डी. वेन्स यांनी या संघर्षात हस्तक्षेप न करण्याचा स्पष्ट पवित्रा घेतला आहे. "हा भारत आणि पाकिस्तान यांच्यातील अंतर्गत वाद आहे. अमेरिका यात पडणार नाही," असं त्यांनी स्पष्ट शब्दांत सांगितलं. वेन्स यांनी Fox News ला दिलेल्या मुलाखतीत सांगितले की, "अमेरिका दोन्ही देशांना शांतता राखण्यासाठी प्रोत्साहित करू शकते, मात्र ज्या वादांशी आमचा थेट संबंध नाही, त्या वादांमध्ये पडण्याचा आमचा कोणताही हेतू नाही. आम्ही भारताला किंवा पाकिस्तानला संघर्ष न करण्याचे आदेश देऊ शकत नाही. आमचा मार्ग केवळ राजनैतिक चर्चेचा असेल."