हवेत दोन विमानांची धडक, भारतीय Pilot चा मृत्यू; हवेत एकाच वेळी उतरण्याचा प्रयत्न अन् घात झाला

मृतांमध्ये श्रीहरी सुकूश (22) हा मूळचा केरळचा असून, तो कॅनडामध्ये वैमानिक प्रशिक्षण घेत होता. त्याच्यासोबत 20 वर्षांची कॅनडाची नागरिक साव्हाना मे रॉयेस हिचाही जागीच मृत्यू झाला. दोघेही एकाच प्रशिक्षण संस्थेचे विद्यार्थी होते. भारतीय वंशाच्या श्रीहरीने याआधीच खासगी पायलट परवाना (Private Pilot License) मिळवला होता आणि आता व्यावसायिक वैमानिक परवाना (Commercial Pilot License) घेण्यासाठी प्रशिक्षण घेत होता.

कॅनडातील टोरांटो येथील भारतीय वाणिज्य दूतावासाने या घटनेवर शोक व्यक्त करताना म्हटलं, श्रीहरी सुकूश या तरुण भारतीय वैमानिकाच्या दुर्दैवी मृत्यूने आम्हाला अत्यंत दु:ख झालं आहे. त्याच्या कुटुंबीयांप्रती आम्ही आपल्या संवेदना व्यक्त करतो. वाणिज्य दूतावास मृत कुटुंबाशी, प्रशिक्षण संस्थेशी आणि स्थानिक पोलिसांशी संपर्कात असून सर्वतोपरी मदत केली जात आहे.