Iran US Conflict: २० हजाराचं ड्रोन पाडायला ४० लाखांचं मिसाईल, इराणच्या जाळ्यात अलगद अडकली अमेरिका!

वॉशिंग्टन/तेहरान: अमेरिका-इस्रायल आणि इराण यांच्यातील संघर्ष आता पाचव्या दिवशी अधिक गडद झाला आहे. हे युद्ध आता अशा वळणावर आले आहे जिथे लष्करी ताकदीपेक्षा 'शस्त्रसाठा' कोणाकडे जास्त काळ टिकणार, यावर विजयाचे गणित अवलंबून आहे. इराणने आपल्या 'शहीद-१३६' या आत्मघाती ड्रोनच्या साहाय्याने आखाती देशांमधील अमेरिकन लष्करी तळांना लक्ष्य केले असून, या ड्रोननी बहरीनपासून संयुक्त अरब अमिरातीपर्यंत अमेरिकेच्या लष्करी तळांवर हाहाकार उडवला आहे. मात्र, या सगळ्यात अमेरिका आता इराणच्या जाळ्यात अडकत चालली आहे का, असा प्रश्न निर्माण होऊ लागला आहे.