ट्रम्प यांचा विक्षिप्त निर्णय, लॉस एंजेलस पेटलं, सरकारविरोधात जनस्फोट; आग, अश्रुधूर,गोळ्यांचा मारा

राष्ट्राध्यक्ष डोनाल्ड ट्रम्प यांनी 2 हजार अतिरिक्त नेशनल गार्ड सैनिक तैनात करण्याचे आदेश दिले आहेत. यामुळे आता शहरात तैनात करण्यात आलेल्या सैनिकांची एकूण संख्या 4,100 पेक्षा अधिक झाली आहे. हे पाऊल संघीय मालमत्तेची आणि कर्मचाऱ्यांची सुरक्षेसाठीउचलण्यात आले आहे. यापूर्वी पेंटागॉनने सुमारे 700 मरीनची तैनाती केली होती, जे संघीय मालमत्तेच्या सुरक्षेत मदत करतील.

कॅलिफोर्नियाचे गव्हर्नर गेविन न्यूजॉम यांनी या तैनातीचा निषेध करताना या कृतीला अवैध आणि विक्षिप्त म्हटलं आहे. त्यांनी सांगितले की, अमेरिकन मरीनना आपल्या देशातील नागरिकांविरोधात उभं करणं हा हुकुमशाहीपणा आहे. कॅलिफोर्नियाने ट्रम्प प्रशासनाविरोधात खटला दाखल केला आहे. यामध्ये न्यायाधीशाकडे मागणी करण्यात आली आहे की लॉस एंजेलसमधील आंदोलनाच्या प्रतिसादात झालेल्या नॅशनल गार्ड तैनातीला बेकायदेशीर ठरवावे आणि भविष्यात अशा कोणत्याही तैनातीला प्रतिबंध करावा.

बॉर्डर अधिकारी टॉम होमन यांनी CNN ला दिलेल्या मुलाखतीत सांगितले की, आंदोलन शांत करण्यासाठी मरीनची तैनाती गरजेची होती. मात्र कॅलिफोर्नियाचे गव्हर्नर गैविन न्यूजॉम आणि लॉस एंजेलसच्या महापौर करेन बास यांनी या निर्णयाची टीका केली आहे. मेयर बास म्हणाल्या की, शहराचा वापर संघीय शक्तीच्या प्रयोगासाठी केला जात आहे.

आपल्याला लक्षात असेलच की लॉस एंजेलिस हे कॅलिफोर्निया राज्यात आहे. ज्याच्या सीमा मेक्सिकोशी लागून आहेत. मेक्सिकोमार्फत मोठ्या प्रमाणावर अवैध प्रवासी येथे पोहोचतात. याच कारणामुळे जेव्हा छापेमारी करण्यात आली, तेव्हा मोठा गोंधळ उडाला. एक्स वरून दंगलीसंबंधित अनेक धक्कादायक व्हिडीओ समोर आले आहेत. या व्हिडीओमध्ये दिसून येतंय की कशा प्रकारे अराजकता पसरली आहे. दंगल विरोधी गियर घातलेल्या एजंटांनी जमाव हटवताना फ्लॅश-बँग ग्रेनेड्सचा वापर केल्याचंही स्पष्टपणे पाहायला मिळतं.