पाकिस्तानविरुद्ध आता 'इस्रायल मॉडेल', आता बॉर्डरवर होणार नवा... ; मुस्लिम देशांनी घेतला मोठा निर्णय

इस्लामाबाद: पाकिस्तान सध्या चोहोबाजूंनी संकटात सापडला असून त्यातून बाहेर पडण्याचा कोणताही मार्ग त्याला दिसत नाहीये. प्रत्येक शेजारी देशासोबतचा त्याचा संघर्ष वाढत चालला असून प्रत्येक जण त्याला धडा शिकवण्याच्या तयारीत आहे. भारतासोबतचा सिंधू पाणीवाटप कराराचा वाद जुना असला तरी आता तो इतका चिघळला आहे की युद्धापर्यंतची चर्चा सुरू झाली आहे. त्यातच एकेकाळी पाकिस्तानचे मित्र असलेले अफगाण तालिबान आता त्याच्याच नाकीनऊ आणण्याच्या तयारीत आहेत. तालिबानने आपल्या नद्यांचे पाणी अडवण्याची धमकी दिली आहे. जेणेकरून पाकिस्तान पाण्यावाचून तळमळेल. यावर कडी म्हणजे इराणही आता पाकिस्तानला कंटाळला आहे. दहशतवादी आणि तस्करांना रोखण्यासाठी इराणने आपल्या सीमेवर चार मीटर उंच भिंत बांधायला सुरुवात केली आहे.