युक्रेनच्या राजधानीत हाहाकार, मेट्रो ट्रेन उडवली, पुतिनचा घातक गेम; ड्रोन हल्ल्यांनी थैमान घातले, मृत्यू आणि आगीचा आक्रोश

या हल्ल्यांत तीन अग्निशमन दलाच्या कर्मचाऱ्यांसह किमान चार जणांचा मृत्यू झाला तर २० हून अधिक लोक जखमी झाले आहेत. कीवमधील मेट्रो सेवा पूर्णतः ठप्प झाली असून अनेक निवासी इमारतींना आग लागली आहे. कीवच्या सोलोमिंस्की जिल्ह्यातील एक निवासी इमारत पूर्णतः उद्ध्वस्त झाली तर डार्नित्स्की आणि पश्चिमी जिल्ह्यातही आगीचे प्रकार घडले. स्थानिक प्रशासनानुसार मेट्रो स्टेशनदरम्यान चाललेली एक ट्रेन देखील हल्ल्याची शिकार झाली.

युक्रेनचे अध्यक्ष वोलोदिमिर झेलेन्स्की यांनी या हल्ल्यानंतर सोशल मीडियावर संतप्त प्रतिक्रिया दिली. त्यांनी सहकारी देशांना आवाहन करत सांगितले की, जर जग निर्णायक पावले उचलणार नसेल तर तेही या युद्धाचे भागीदार ठरतील. रशियाच्या संरक्षण मंत्रालयाने या हल्ल्यांना युक्रेनच्या दहशतवादी कृतींना दिलेला प्रतिसाद असे म्हटले आहे.