Russia Plane Crash: टेकऑफनंतर रडारशी संपर्क तुटला, 29 लोकांचा मृत्यू, रशियन सैन्याच्या विमानाचा भीषण अपघात

मिळालेल्या माहितीनुसार, ३१ मार्च रोजी संध्याकाळी ६ च्या सुमारास हे विमान क्रिमियाच्या आकाशात असताना त्याचा नियंत्रण कक्षाशी संपर्क तुटला. विमान बेपत्ता झाल्याचं लक्षात येताच शोध आणि बचाव पथक कामाला लागलं. काही तासांतच बचाव पथकाला विमानाचा ढिगारा सापडला, मात्र दुर्दैवाने विमानात असलेल्या कोणालाही वाचवण्यात यश आलं नाही.

ज्या विमानाचा अपघात झाला, ते 'अँटोनोव्ह-२६' मॉडेल रशियाच्या ताफ्यातील जुनं आणि विश्वासार्ह मानलं जाणारं विमान आहे. या विमानांची निर्मिती १९६९ ते १९८६ या काळात युक्रेन येथील कारखान्यात करण्यात आली होती. रशियाने आतापर्यंत अशी एकूण १३९८ विमानं तयार केली असून ती हंगेरीपासून क्युबापर्यंत अनेक देशांना विकली आहेत.