थरारक विमान अपघात, हवेत इंजिन बंद झालं; 50 प्रवाशांसह हिंद महासागरात क्रॅश, पंख तुटले, इंजिन पेटलं

त्या वेळी विमानात 50 प्रवासी होते. परिस्थितीची गंभीरता ओळखत पायलटने विमान पुन्हा विमानतळाकडे वळवण्याचा प्रयत्न केला. मात्र रनवेपर्यंत पोहोचणे अशक्य असल्याचे लक्षात येताच त्याने मोठा निर्णय घेतला.

या अपघातामुळे काही क्षणांसाठी परिसरात भीतीचे वातावरण निर्माण झाले. इंजिन निकामी झाले होते आणि विमानाचे मोठ्या प्रमाणावर नुकसान झाले होते. तरीही पायलटच्या धाडसामुळे आणि योग्य निर्णयामुळे सर्व प्रवासी सुरक्षित राहिले.

अपघाताची माहिती मिळताच विमानतळ प्राधिकरण आणि आपत्कालीन बचाव पथके तात्काळ घटनास्थळी दाखल झाली. सोमाली नागरी विमान वाहतूक प्राधिकरणाचे संचालक अहमद मुअल्लिम हसन यांनी सांगितले की, विमानातील सर्व प्रवाशांना सुरक्षितपणे बाहेर काढण्यात आले असून कोणालाही गंभीर इजा झालेली नाही. या घटनेनंतर विमान अपघाताच्या कारणांचा तपास सुरू करण्यात आला आहे.