Turkey earthquake: समुद्राखाली भयानक घडलं, आणखी एक देश भूकंपाच्या धक्क्याने हादरला

मिळालेल्या माहितीनुसार. तुर्कीमधील इस्तंबूलजवळील सिलिव्हरी इथं स्थानिक वेळेनुसार दुपारी १२:४९ वाजेच्या सुमारास मारमारा समुद्रातून जमिनीखाली ६.९ किलोमीटर खोलीवर भूकंप झाला. भूकंपाची तीव्रता रिश्टर स्केलवर ६.२ इतकी नोंदवली गेली. भूकंपाचे धक्के जाणवल्यानंतर लोकांमध्ये भीतीचं वातावरण निर्माण झालं. मोकळ्या जागेमध्ये लोकांनी धाव घेतली.

तुर्कीमध्ये झालेल्या भूकंपात कोणत्याही प्रकारची जीवितहानी झाल्याचं वृत्त नाही. एवढंच नाही तर इमारतींच्या नुकसानीबाबत कोणतीही माहिती समोर येत नाही. अचानक आलेल्या जोरदार भूकंपांमुळे लोकांमध्ये निश्चितच भीती निर्माण झाली. संभाव्य भूकंपाच्या धक्क्यांपासून वाचण्यासाठी अनेक लोक मोकळ्या जागेत जमले. तुर्कीमधील आपत्कालीन सेवांना सतर्क ठेवण्यात आलं आहे. इस्तंबूल आणि आसपासच्या परिसरात भूकंपाचे धक्के जाणवले.  कोणत्याही परिस्थितीला तोंड देण्यासाठी प्रशासन पूर्णपणे सज्ज आहे.