जगातील सर्वात श्रीमंत राजा, पण जगला फकिरासारखा! देशाला दिलं 5000kg सोनं, वाचा भन्नाट राजाची अद्भूत कहाणी

त्यांची एकूण संपत्ती जवळपास ₹20,35,000 कोटी (अमेरिकन डॉलरमध्ये अंदाजे $236 अब्ज) होती. त्यांच्याकडे 185 कॅरेटचा 'जेकब डायमंड' नावाचा हिरा होता, ज्याची किंमत सध्या अंदाजे ₹1350 कोटी आहे. पण तोही त्यांनी पेपरवेट म्हणून वापरला होता. त्यांच्याकडे टनांनी सोने आणि किलोच्या किलो हिरे होते. पन्नासहून अधिक रोल्स-रॉयस गाड्या, महाल, दागदागिने, आणि विशाल जमिनी असूनही ते साधेपणात राहायचे. ही अमाप संपत्ती आणि अनोख्या वागणुकीमुळे मीर उस्मान अली खान हे जगातील सर्वात वेगळ्या सम्राटांपैकी एक मानले जातात. त्यांनी कधी वैभवाचा गर्व केला नाही. उलट ते दररोज ऐश्वर्य आणि साधेपणाच्या टोकावर जगायचे.

1893 मध्ये बांधलेला फलकनुमा पॅलेस 32 एकरांवर पसरलेला आहे. यात 220 खोल्या आहेत आणि 80 फूट लांब जेवणाचं टेबल आहे, ज्यावर एकाच वेळी 101 लोक जेवू शकतात. या महालाच्या सौंदर्यामुळे आणि ऐतिहासिक महत्त्वामुळे त्याचा उल्लेख ‘टाईम’ मासिकाच्या मुखपृष्ठावरही झाला होता.

1965 साली भारत-चीन युद्धाच्या वेळी त्यांनी भारत सरकारला 5 टन (5000 किलो) सोने दान दिलं. ही आजवरची सगळ्यात मोठी देणगी मानली जाते. त्यांच्या देशप्रेमाचा आणि जबाबदारीचा हा मोठा पुरावा होता. जगातील सर्वात श्रीमंत व्यक्ती असूनही मीर उस्मान अली खान यांनी अतिशय साधं आयुष्य जगणं पसंत केलं. ते त्यांच्या वागणुकीतून एक गोष्ट शिकवून गेले, संपत्ती म्हणजे फक्त एक साधन आहे. माणसाला मोठं करतो तो त्याचा आदर आणि नम्रता, पैसा नव्हे.