आई, अजब तुझी माया! 84 वर्षांच्या आईमुळे 50 वर्षांच्या मुलीला मिळाला पुनर्जन्म; मातेच्या प्रेमापुढे वय हरलं!

गुड्डी देवी गेल्या अनेक वर्षांपासून गंभीर किडनी विकाराने (CKD) त्रस्त होत्या. त्यांच्या दोन्ही किडन्या हळूहळू काम करणे बंद करत होत्या. दर तिसऱ्या दिवशी डायलिसिससाठी रुग्णालयात जाणे, शारीरिक अशक्तपणा आणि मानसिक ताण यामुळे त्यांचे जीवन त्रस्त झाले होते. डॉक्टरांनी स्पष्ट सांगितले होते की, किडनी प्रत्यारोपण (ट्रान्सप्लांट) लवकर न केल्यास त्यांचा जीव धोक्यात येऊ शकतो. कुटुंबात कोणताही योग्य दाता उपलब्ध नव्हता. नातेवाईक आणि मित्रांपैकी कोणीही किडनी दान करण्यासाठी पुढे आले नाही. गुड्डीच्या आशा हळूहळू मावळत होत्या. तेव्हा एका मातेने आपल्या लेकीला जीवनदान दिले.

शस्त्रक्रिया यशस्वी झाली. गुड्डीची तब्येत हळूहळू सुधारू लागली आणि बुद्धो देवीही निरोगी राहिल्या. डॉक्टरांच्या मते, बुद्धो देवींचे आरोग्य आणि धैर्य त्यांच्या वयानुसार विलक्षण होते. या घटनेने वैद्यकीय जगात एक नवे उदाहरण प्रस्थापित केले, कारण इतक्या जास्त वयात किडनी दानाचे असे प्रकार खूप दुर्मिळ आहेत. गुड्डीने आपल्या आईच्या त्यागाचे शब्दांत वर्णन केले आणि म्हणाली, "माझ्या आईने मला दुसऱ्यांदा जन्म दिला आहे. तिचा हा त्याग मी कधीच विसरू शकत नाही." घरातील इतर सदस्यही बुद्धो देवींच्या धैर्याची आणि प्रेमाची प्रशंसा करताना थकत नाहीत. ही कथा केवळ त्यांच्या गावातच नाही, तर संपूर्ण जयपूर आणि आसपासच्या परिसरात चर्चेचा विषय बनली.