बराच वेळ बंद होता प्लेनच्या टॉयलेटचा दरवाजा, एअर हॉस्टेसने उघडला, आतलं दृश्य सहनच करू शकली नाही

अमेरिकन एअरलाइन्समध्ये ड्युटीवर असलेल्या एअर हॉस्टेसला विमानाचं टॉयलेट बंद असल्याचं लक्षात आलं. बराच वेळ झाला टॉयलेटचा दरवाजा बंदच होता. कुणीच बाहेर येत नव्हतं. एअर हॉस्टेसने बराच वेळ वाट पाहिली शेवटी तिने दरवाजा उघडण्याचा प्रयत्न केला. दरवाजा उघडला पण तिला आत जे दृश्य दिसलं ते कल्पनेपलीकडे होतं. आत असं दृश्य दिसलं ज्याची तिला अपेक्षा नव्हती. ते दृश्य पाहून ती हादरलीच.

तिच्यासमोर एक व्यक्ती बसला होता जो सिगारेट ओढत होता आणि धुराचे रिंग सोडत होता. विमानात स्मोकिंगला बंदी आहे. त्यामुळे एअर हॉस्टेस त्याला बडबडू लागली. त्या माणसाने तिचा व्हिडिओ रेकॉर्ड करायला सुरुवात केली आणि स्वतःला सेलिब्रिटी पिकलबॉल कोच म्हणू लागला.

या घटनेचा व्हिडिओही व्हायरल होत आहे. पीटर नगुएन नावाच्या व्यक्तीने हा व्हिडीओ इन्स्टाग्राम अकाऊंटवर पोस्ट केला आहे. ज्यामध्ये वॉशरूमच्या दरवाजावर एअर हॉस्टेस भांडताना दिसते आहे.

व्हिडिओमध्ये तो माणूस असं म्हणत असल्याचं ऐकू येतं की, फ्लाइट अटेंडंटने त्याच्यावर हात उचलला. तिथं उभ्या असलेल्या दुसऱ्या एअर हॉस्टेसने सांगितलं की तो आत धूम्रपान करत होता, ज्याला विमानात परवानगी नाही. यावर संतप्त झालेल्या माणसाने सांगितलं की तो स्वतः एक वकील आहे आणि सोशल मीडियावर त्याचे 25 हजार फॉलोअर्स आहेत जे ही घटना पाहत आहेत. पण त्याने या घटनेबाबत पोलिसांना कळवलं की नाही हे सांगण्यात आलेलं नाही.

या घटनेनंतर अमेरिकन एअरलाइन्सने सॅन फ्रान्सिस्को इंटरनॅशनल एअरपोर्टवर प्रवाशाला खाली उतरवलं. पोलिसांनी घटनास्थळी पोहोचले आणि त्याला ताब्यात घेतलं. या घटनेबाबत सोशल मीडियावर अनेक प्रतिक्रिया येत आहेत. बहुतेक लोकांनी निगुएनचं वर्तन चुकीचं आणि बेजबाबदार असल्याचं म्हटलं आहे. यानंतर त्या माणसाचं वर्तन बदललं आणि त्याने लिहिले की तो तणावात आहे. त्याला काय करावं हे समजत नाही. इतकंच नाही तर तो स्वतःला ऑटिस्टिक म्हणवू लागला.