डॉक्टरने 5 वर्षे अंघोळच केली नाही, सांगितला फायदा, दुर्गंधी येत नसल्याचाही दावा

जेम्स हॅम्बलिन असं या डॉक्टरचं नाव आहे. दररोज अंघोळ करायला हवी का? दररोज अंघोळ केली नाही तर काय होईल? असे प्रश्न कित्येकांना पडतात. याचं उत्तर म्हणून डॉ. जेम्स यांनी प्रयोग करून पाहिला. त्यांनी अंघोळच करायची नाही असं ठरवलं. तब्बल 5 वर्षे त्यांनी अंघोळ केली नाही.

चेसिंग लाइफ पॉडकास्टवर सीएनएनच्या डॉ. संजय गुप्ता यांच्याशी बोलताना डॉ. हॅम्बलिन यांनी सांगितलं, आपली त्वचा मायक्रोबायोमचं घर आहे. मायक्रोबायोम बॅक्टेरिया एक गुंतागुंतीचं तंत्र आहे जे त्वचेच्या आरोग्यात महत्त्वाची बूमिका बचावतात. साबण आणि शाम्पून वारंवार स्वच्छता केल्याने आपली त्वचा कोरडी होते, त्वचेतील तेल आणि रसायन निघून जातं.

हॅम्बलिनचा उद्देश स्वच्छता नष्ट करण्याचा नाही तर वारंवार अंघोळ करायला हवी का, वैयक्तिक स्वच्छतेसाठी शॅम्पू, साबण यांची गरज आहे का, हे तपासणं होतं. 'लोकांना अंघोळ करूच नका', असं मी सांगत नाही असंही हॅम्बलिन यांनी स्पष्ट केलं आहे. याऐवजी स्वच्छतेप्रती जास्त सजग दृष्टिकोनाला ते प्रोत्साहित करत आहेत, असं ते म्हणाले.

तुम्ही किती वेळा आंघोळ करावी हे तुमची जीवनशैली, तुम्ही ज्या वातावरणात राहता आणि तुमच्या वैद्यकीय स्थितीसारख्या अनेक घटकांवर अवलंबून असतं.  जे लोक जास्त उष्ण परिसरात राहतात त्यांना एकापेक्षा जास्त वेळा आंघोळ करावी लागू शकते. उष्णता असह्य असल्यास, तुम्ही दिवसातून तीनदा शॉवर घेऊ शकता. पण, त्यापेक्षा जास्त वेळा आंघोळ करू नये. नाहीतर त्वचेची आग होऊन आणि त्यावर सूज देखील येऊ शकते.