कुत्र्याला खाऊ घातलं, मग केली मैत्री, 'त्या' रात्री कुत्रा राहिला शांत; चोराने साधला डाव अन् केली मोठी चोरी!

चोरीच्या बातम्या नेहमीच वर्तमानपत्रात ठळकपणे छापून येतात, पण खांडव्यातून समोर आलेली ही घटना खरोखरच धक्कादायक आणि एखाद्या सिनेमातील कथेसारखी आहे. इथे एका चोरट्याने चोरी करण्याआधी घरातील पाळीव कुत्र्याला आपला मित्र बनवले, तेही सलग 5 दिवस त्याला भाकरी आणि मांस खाऊ घालून. ज्या रात्री चोरी करण्याची वेळ आली, त्या रात्री कोणत्याही अनोळखी व्यक्तीवर भुंकणारा तो कुत्रा पूर्णपणे शांत राहिला.