VIRAL VIDEO : नवरी नाही, तरीही लग्न झालं! 'डबल वरात', सोशल मीडियावर लग्नाची जोरात चर्चा

व्हिडिओ शेअर करताना आकांक्षाने लिहिलं, "हे लग्न माझ्या हृदयाच्या खूप जवळ आहे! या लग्नाची ऐतिहासिक डबल वरात आणि विधी पाहून माझं मन भरून आलं. कुटुंबीय आणि नातेवाईकांनी आपले जुने विचार बाजूला ठेवून दोन्ही नवरदेवांना जसे आहेत तसे स्वीकारले, हे पाहून मला खूप आनंद झाला."

हा व्हिडिओ इंटरनेटवर व्हायरल झाला आणि त्याला 1.12 लाखांहून अधिक लाईक्स आणि 6,500 हून अधिक कमेंट्स मिळाल्या. लोकांनी या अनोख्या लग्नावर प्रेमाचा वर्षाव केला. एका युजरने लिहिलं, "जगाला अधिक प्रेमाची गरज आहे, हे खरं प्रेम आहे." तर दुसऱ्या युजरने लिहिलं, "हे लग्न प्रेम आणि ऊर्जेने भरलेलं आहे, ते पाहून माझं मन आनंदाने भरून आलं." आणखी एका युजरने कमेंट केली, "गे असो वा नसो, जेव्हा दोन लोकं लग्न करतात, तेव्हा भांगडा, गोंधळ आणि कुटुंब एकत्र येतं, तेव्हा फक्त आनंद असतो."