विमान जमिनीपासून किती अंतरावर उडतं? तुम्हाला माहितीय का याचं उत्तर

विमान जमिनीपासून किती उंच उडवायचं आणि का याची काही महत्त्वाची कारणं आहेत. जमिनीपासून अधिकाधिक उंच गेल्यानंतर हवेची घनता कमी होते. त्यामुळे हवेचा प्रतिकार कमी होतो. त्यामुळे कमी इंधन वापरुन विमान वेगाने अंतर कापतं. आधुनिक जेट किंवा टर्बोफाईन प्रकारातील विमानं अधिक उंचीवर जास्त कुशलपणे प्रवास करतात. जास्त उंचावरुन विमान उडवल्यामुळे पक्ष्यांशी टक्कर होण्याची शक्यता कमी होते. त्याशिवाय शांतपणे उड्डाण होत असल्यामुळे प्रवास सुखकर होतो. ढगांच्या वरून विमानं उडवण्यामुळे ती वेगाने उडू शकतात. विश्लेषकांच्या मते विमान जेवढं जास्त उंचीवर जाईल तेवढी हवा विरळ होत जाते. त्यामुळे विमानं अधिक सक्षमपणे उड्डाण करु शकतात. त्यामुळेच मोठ्या जेट्ससह विमानं जेव्हा टेक ऑफ करतात तेव्हा त्यांचं पहिलं काम शक्य तेवढ्या वेगाने ढगांच्या वर जास्तीत जास्त उंचीवर जाणं हे असतं.