लग्न झालं पण संसार... मंडपात घडली 'ही' दुर्दैवी घटना, कायमचं पुसलं गेलं नवरीचं कुंकू!

लग्नाच्या अवघ्या दोन दिवसांत नवरदेवाने आपल्या नववधूला सोडून कायमचा प्रवास केला. 7 मे रोजी महांगा पोलीस स्टेशन अंतर्गत येणाऱ्या नुर्तंग गावातील संतोष साहू यांचा एकुलता एक मुलगा सत्यमन्यू साहू याचा विवाह जज्जपूर जिल्ह्यातील छातीया भागात मोठ्या थाटामाटात पार पडला. लग्नानंतर सत्यमन्यू आपल्या नववधू सोबत घरी परतला होता. पुढे चतुर्थीची पिंड पडायची होती. हिंदू परंपरेनुसार, चतुर्थीच्या आधी वधू आणि वर मांडवात 'कूड्डी' नावाचा खेळ खेळतात आणि तोच कूड्डीचा खेळ नवरदेवासाठी, म्हणजेच सत्यमन्यूसाठी जीवघेणा ठरला.

कूड्डीचा खेळ खेळत असताना, दुर्दैवाने सत्यमन्यूला मांडवात विजेचा धक्का बसला आणि त्याची प्रकृती गंभीर झाली. त्याला तातडीने महांगा येथील सामुदायिक आरोग्य केंद्रात दाखल करण्यात आले, पण त्याची नाजूक परिस्थिती पाहून त्याला कटकच्या मोठ्या वैद्यकीय महाविद्यालयात हलवण्यात आले, जिथे त्याचा मृत्यू झाला. ही बातमी मिळताच सत्यमन्यूच्या कुटुंबावर दुःखाचा डोंगर कोसळला. कुटुंबीय, मित्र आणि गावकरी शोकाने पूर्णपणे खचून गेले होते. जणू काही सगळ्यांची वाचाच गेली होती. कोणाला काही बोलण्याची हिंमत नव्हती. या घटनेमुळे सगळेच सुन्न झाले आहेत, डोळ्यातून अश्रूही येईनासे झाले आहेत. मिळालेल्या माहितीनुसार, नवरदेवाच्या अकाली मृत्यूनंतर वधूच्या कुटुंबीयांनी तिला तिच्या घरी नेले आहे.