Kitchen Jugaad Video : कपाट किंवा बँक लॉकर नाही, टॉयलेटमध्ये ठेवा सोनं
- Published by:Priya Lad
Last Updated:
अक्षय्य तृतीयेला सोनं खरेदी करणं शुभ मानलं जातं. सोनं घेतल्यानंतर आपण ते कपाट किंवा बँकेच्या लॉकरमध्ये ठेवतो, जेणेकरून ते सुरक्षित राहतील. पण तुम्ही सोनं टॉयलेटमध्येसुद्धा ठेवू शकता. याचाही तुम्हाला फायदा होईल.
मुंबई : साडेतीन मुहूर्तांपैकी एक शुभ मुहूर्त अक्षय्य तृतीया. या दिवशी सोनं खरेदी करणं चांगलं मानलं जातं. बरेच लोक यादिवशी सोनं खरेदी करतात. सौनं मौल्यवान धातू. त्यामुळे ते जपून ठेवावं लागतं. सामान्यपणे लोक घरातील कपाटाच्या लॉकरमध्ये किंवा बँकेच्या लॉकरमध्ये सोनं ठेवतात. पण तुम्ही कधी सोनं टॉयलेटमध्ये ठेवलं आहे का? एका महिलेने या जबरदस्त अशा किचन जुगाडचा व्हिडीओ सोशल मीडियावर शेअर केला आहे. जो तुफान व्हायरल होतो आहे.
दागिने म्हटलं की ते आपण सामान्यपणे लॉकरमध्ये ठेवतो. मग ते सोन्याचे असो, चांदीचे असो वा हिऱ्याचे. महाग असल्याने आणि चोरीला जाण्याची भीती असल्याने ते आपण कपाटातील किंवा बँकेतील लॉकरमध्ये ठेवतो. पण टॉयलेटमध्ये दागिने हे वाचूनच आश्चर्य वाटेल. पण याचा मोठा फायदा आहे. तो काय हे एका गृहिणीने एका व्हिडीओतून सांगितलं आहे.
advertisement
नेमकं करायचं काय?
गृहिणीने व्हिडीओत दाखवल्याप्रमाणे तिने वेगवेगळे ज्वेलरी बॉक्स घेतले आहेत. त्यात वेगवेगळे दागिने आहेत. ते सर्व दागिने तिने एकाच ज्वेलरी बॉक्समध्ये केले आहेत. अशाच पद्धतीने एकाच ज्वेलरी बॉक्समध्ये सर्व दागिने ठेवण्याचा सल्ला तिने दिला आहे. त्यानंतर हा बॉक्स एका कापडात गुंडाळा, असं तिनं सांगितलं आहे.
advertisement
नंतर ही गृहिणी हा कापडात गुंडाळलेला ज्वेलरी बॉक्स टॉयलेटमध्ये घेऊन जाते. तिथं एक डस्टबिन आहे. जो स्वच्छ आणि पूर्ण रिकामा आहे. म्हणजे याआधी कचऱ्यासाठी हा डस्टबिन वापरलेला नाही. या डस्टबिनमध्ये ती हा बॉक्स ठेवते. त्यानंतर ती त्यावर साबणाचे रिकामे बॉक्स आणि रिकाम्या बाटल्या टाकते. जेणेकरून दागिन्यांचा बॉक्स पूर्णपणे झाकला जाईल.
advertisement
याचा फायदा काय?
गृहिणीने सांगितल्यानुसार जेव्हा तुम्ही कधी घराबाहेर जाणार असाल आणि घरात महागडे दागिने असतील जे चोरीला जाण्याची भीती वगैरे असेल तेव्हा तुम्ही हा जुगाड करू शकता. चोर टॉयलेटमध्ये जाऊन डस्टबिन उघडून तर बिलकुल पाहणार नाहीत. डस्टबिनमध्ये असं काही असेल याचा कुणी विचारही करणार नाही. जरी काही टाकण्यासाठी डस्टबिन उघडलं तरी त्यात वर टाकलेला कचराच दिसेल. ज्यात कुणी हात टाकणार नाही.
advertisement
इंडियन व्लॉगर पिंकी युट्युब अकाऊंटवर हा व्हिडीओ पोस्ट करण्यात आला आहे. व्हिडीओ पाहण्यासाठी इथं क्लिक करा. तुम्हाला हा जुगाड कसा वाटला ते आम्हाला आमच्या सोशल मीडियाच्या कमेंट बॉक्समध्ये आपली प्रतिक्रिया देऊन नक्की सांगा.
(सूचना - हा लेख सोशल मीडियावरील व्हायरल व्हिडीओवर आधारित आहे. न्यूज18मराठीचा याच्याशी काहीही संबंध नाही. न्यूज18मराठी याची हमी देत नाही.)
Location :
Delhi
First Published :
May 10, 2024 8:01 AM IST
