Kitchen Jugaad Video : एक रुपयाच्या नाण्याची कमाल; थांबली नळाची गळती
- Published by:Priya Lad
Last Updated:
नळाची गळती थांबवण्याचा जबरदस्त उपाय एका व्यक्तीने शेअर केला आहे.
नवी दिल्ली, 08 सप्टेंबर : बऱ्याचदा नळ पूर्णपणे बंद केला तरी त्यातून पाणी गळतं. थेंब थेंब पाणी पडत राहतं. यामुळे नाही म्हटलं तरी बरंच पाणी वाया जातं. नळाची गळती थांबवण्यासाठी, नळ दुरूस्त करण्यासाठी तुम्ही प्लंबर बोलवत असाल. यासाठी काही पैसा खर्च करत असाल. पण तुम्हाला माहिती आहे का? फक्त एक रुपयाचं नाणंही नळाची गळती थांबवू शकतं. एका व्यक्तीने या किचन जुगाडाचा व्हिडीओ शेअर केला आहे.
एक रुपयाचं नाणं. तसं आता एक रुपयात तसं फार काही येत नाही. पण हे एक रुपयाचं नाणं तुमच्या काही पैशांची बचत करू शकतं. नळ गळती ठिक करण्यात मदत करून हे नाणं प्लंबरचा खर्च वाचवू शकतं. आता एक रुपयाच्या नाण्याने नळगळती कशी काय थांबवायची ते पाहुयात.
advertisement
व्हिडीओ तुम्ही पाहाल तर व्यक्तीने आधी मुख्य पाईपलाईन बंद केली आहे. त्यानंतर नळ उघडला आहे. या नळाच्या आत तोटीला एक रबर आहे, हा रबर नीट नसतो, त्यामुळे नळातून पाणी गळतं. आता हा रबरच तुम्हाला ठिक करायचा आहे. व्यक्तीने सांगितल्यानुसार हाच रबर तुम्ही उलटा करून घालू शकता किंवा फक्त एक रुपयात हा रबर मिळतो. हा नवा रबर तुम्ही या नळात बसवू शकता.
advertisement
व्यक्तीने व्हिडीओत दाखवल्यानुसार संपूर्ण प्रक्रिया करा आणि पाहा तुमच्या नळाची गळती थांबते की नाही. यासाठी तुमचा फक्त एक रुपयाच खर्च झाला. एक रुपयाच्या नाण्याने कमाल केली की नाही?
Tek makwana यूट्युब चॅनेलवर हा व्हिडीओ पोस्ट करण्यात आला आहे. तुम्ही हा उपाय करून पाहा आणि त्याचा परिणाम आम्हाला आमच्या सोशल मीडियाच्या कमेंट बॉक्समध्ये द्या.
advertisement
(सूचना - या लेखात दिलेली माहिती सोशल मीडियावरील व्हायरल व्हिडिओवर आधारित आहे. न्यूज18मराठीचा याच्याशी संबंध नाही. न्यूज18मराठी याची हमी देत नाही.)
Location :
Delhi
First Published :
Sep 09, 2023 2:31 AM IST
