पुरुष म्हणून जन्मलेली काजल, होते 2 बॉयफ्रेंड, स्त्री दिसण्यासाठी मुंबईत चेहऱ्याची सर्जरी आणि भयंकर घडलं

माहिती मिळताच पोलीस घटनास्थळी पोहोचले. एसीपी चिंत्राशु गौतम यांनी सांगितलं की घरातील वस्तू विखुरलेल्या होत्या, कपाट उघडं होतं, काजलचा आयफोन गायब होता. घटनास्थळावरून दारूची रिकामी बाटली देखील जप्त करण्यात आली आहे. पोलिसांच्या मते, ही हत्या 3 ते 5 दिवसांपूर्वी झाल्याचं दिसतं. फॉरेन्सिक टीमने घटनास्थळावरून वैज्ञानिक पुरावे गोळा केले आहेत, ज्यामध्ये बोटांचे ठसे, रक्ताचे डाग आणि संशयास्पद साहित्याचा समावेश आहे.

पोलिस सूत्रांनी आणि काजलच्या ओळखीच्या व्यक्तींनी दिलेल्या माहितीनुसार, तिचं आयुष्य एखाद्या फिल्म स्टोरीपेक्षा कमी नव्हतं. पुरूषी लिंगासह जन्मलेल्या काजलला 'किन्नर' म्हटलं जाणं आवडत नव्हतं. तिला तिचं आयुष्य पूर्णपणे स्त्रीसारखं जगायचं होतं. यासाठी तिने मुंबईतील एका खाजगी रुग्णालयात लाखो रुपये खर्च करून चेहऱ्याची महागडी सर्जरी करून घेतली केली, जेणेकरून तिचा चेहरा आणि हावभाव पूर्णपणे महिलांसारखे व्हावेत. शस्त्रक्रियेनंतर काजल तिच्या नवीन लूकसह सोशल मीडियावर सक्रिय राहू लागली आणि एक महिला म्हणून तिची ओळख निर्माण करू लागली.