धक्कादायक! बायको माहेरी गेल्याने नवऱ्याचा मृत्यू; एक दिवसही सहन झाला नाही विरह, गेला जीव

अजूनही मुलगा खोलीबाहेर आला नाही म्हणून कुटुंबाला काळजी वाटू लागली. त्यांनी कसंबसं करून खोलीचा दरवाजा उघडला आणि समोरील दृश्य पाहून त्यांच्या काळजात धस्सं झालं. चेनाराम खोलीत लटकलेल्या अवस्थेत आढळून आला. पत्नी माहेरी गेल्यानंतर त्यानं टोकाचं पाऊल उचललं.

पत्नी दूर गेली, हा विरह चेनारामला सहन झाला नाही. त्यामुळे त्याने गळफास लावून घेत आत्महत्या केली. उदयपूरच्या गोगुंडा पोलीस स्टेशनमध्ये या प्रकरणाची नोंद करण्यात आली आहे. पोलीस घटनास्थळी दाखल झाले.  पोलिसांनी मृतदेहाचे पोस्टमार्टम करून कुटुंबीयांच्या ताब्यात दिलं आहे. पोलिसांनी दिलेल्या माहितीनुसार, चेनारामने शुक्रवारी रात्री उशिरा गळफास लावून घेतला होता. सुरुवातीला पत्नीपासून विभक्त झाल्यामुळे ही आत्महत्या असल्याचं मानलं जात आहे. मात्र पोलीस या संपूर्ण प्रकरणाचा अधिक तपास करत आहेत.

काही दिवसांपूर्वीच नांदेडमध्येही अशीच धक्कादायक घटना घडली होती.  पतीचे अपघातात निधन झाल्याचं ऐकताच धक्का बसलेल्या पत्नीने घरात गळफास घेऊन आत्महत्या केली. स्नेहा बेंद्रीकर असं आत्महत्या केलेल्या पत्नीचं नाव आहे. तिचा पती अरुण शनिवारी रात्री घरी परतताना अपघातात त्याचा मृत्यू झाला.