नियंत्रण सुटताच कारचा भीषण अपघात; चालक चेंडूसारखा हवेत उडला अन्..., Shocking Video

कुवेतमधील एका भीषण कार अपघाताचा एक व्हिडिओ व्हायरल झाला आहे. या अपघातात कारचालक मात्र चमत्कारिकरित्या बचावला आहे. मुबारक अल-कबीर गव्हर्नरेटमध्ये गेल्या शनिवारी ही घटना घडल्याचं वृत्त आहे. चालक अतिशय वेगात गाडी चालवत असताना कारवरील नियंत्रण सुटल्याचं व्हिडिओत दिसत आहे. त्यानंतर गाडी हवेत उडून अनेक वेळा पलटी होते आणि मग कोसळते. हा अपघात एवढा भीषण होता की गाडी हवेत उडताच चालकही उडून गाडीच्या बाहेर पडला. हे संपूर्ण दृश्य कॅमेऱ्यात कैद झालं आहे. सुदैवाने इतका भीषण अपघात होऊनही चालकाला गंभीर दुखापत झालेली नाही.