OMG! विशीत लग्न, तिशीत झाली 2 मुलं, चाळीशीत कपल...; मुलांनाही लाजवेल असा VIDEO

रजनी सिंह असं या महिलेचं नाव आहे, तिने तिच्या @rajni_singh.official या इन्स्टाग्राम अकाऊंटवर एक फोटो व्हिडीओ शेअर केला आहे. या व्हिडिओमध्ये तिने आपलं 20 ते 40 वर्षांचं आयुष्य दाखवलं आहे. रजनीच्या प्रोफाइलवरून ती ब्रिटनमध्ये राहते हे दिसून येतं.

व्हिडीओत तुम्ही पाहू शकता ती नवऱ्यासोबत नवरीच्या ड्रेसमध्ये दिसत आहे. तिनं व्हिडीओमध्ये दिलेल्या कॅप्शनुसार हा तिच्या लग्नाचा फोटो आहे. तिनं आपलं लग्न वयाच्या 23 व्या वर्षी झाल्याचं सांगितलं आहे. त्याचवेळी ती आणि तिचा नवरा विशीत कसे दिसत होते, याचेही काही फोटो तिने दाखवले आहेत.

यानंतर ती तिच्या तिसाव्या वर्षाचा एक फोटो दाखवते, ज्यामध्ये तिची दोन्ही मुले दिसत आहेत. या काळात, रजनी आणि तिचा नवरा अगदी पूर्वीसारखेच वयाचे दिसतात. पण हे जोडपं जेव्हा त्यांच्या चाळीशीत प्रवेश करतात तेव्हा मात्र ते पूर्णपणे बदलेले दिसता. त्यांचा लूक पूर्णपणे बदललेला दिसतो. रजनी आणि तिचा नवरा दोघंही त्यांच्या वयापेक्षा खूपच तरुण दिसतात. वयाच्या चाळीशीत ते विशीसारखे दिसतात. जणू त्यांचं वय पुन्हा मागे आल्यासारखं वाटत आहे. अगदी त्यांची मुलंही त्यांना शोभत नाहीत.

हा व्हिडिओ पाहिल्यानंतर कोणालाही आश्चर्य वाटेल आणि प्रश्न पडेल की हे जोडपं या वयात असं आयुष्य कसं जगत आहे? पण हे सर्व रजनी आणि तिच्या पतीच्या मेहनतीचं फळ आहे. त्यांच्यातील बदल पाहून दोघंही त्यांच्या फिटनेसबाबत किती जागरूक आहेत याचा अंदाज येतो.

रजनीचा हा व्हिडिओ सोशल मीडियावर मोठ्या प्रमाणात व्हायरल होत आहे. आतापर्यंत हा व्हिडिओ कोट्यवधींहून अधिक वेळा पाहिला गेला आहे. त्याच वेळी, लाखो लोकांनी या रीलला लाईक आणि शेअर केलं आहे. या व्हिडिओवर अनेकांनी कमेंटही केल्या आहेत. बहुतेकांनी यावर विश्वास ठेवणं कठीण असल्याचं म्हटलं आहे. तुमची या व्हिडीओवरील प्रतिक्रिया आम्हाला आमच्या सोशल मीडियाच्या कमेंट बॉक्समध्ये नक्की सांगा.