मुलीला बर्थडेला सोडून गेली आई, पार्टी संपायच्या अर्धा तास आधीच परतली, दृश्य पाहून पायाखालची जमीनच सरकली

तिने सांगितलं की, जेव्हा ती तिच्या मुलीला पार्टीत सोडण्यासाठी गेली तेव्हा तिने पार्टी आयोजित करणाऱ्या आईला विचारलं की ती तिच्या मुलीला तिथे सोडून थोडा वेळ बाहेर जाऊ शकते का. त्या आईने तिला आश्वासन दिलं, अगदी, तुम्ही काळजी न करता तुमच्या मुलीला इथे सोडू शकता. लॉरेनने पार्टीची शेवटची वेळ देखील विचारली, जी संध्याकाळी 5 वाजता सांगण्यात आली होती. पण पार्टी संपायच्या अर्धा तास आधीच लॉरेन तिथं पोहोचली. जेव्हा ती तिच्या मुलीला साडेचार वाजता घेण्यासाठी पोहोचली तेव्हा दृश्य पूर्णपणे वेगळं होतं.

ती म्हणाली, "तिथं कोणीही नव्हतं. माझी मुलगी एकटीच उभी होती. पार्टी रूम बंद होती, लाईट बंद होते आणि पार्टी आयोजित करणारी आई गायब झाली होती."   लॉरेनने तिच्या मुलीला विचारलं तेव्हा ती म्हणाली, "सर्वजण निघून गेले होते"

यानंतर लॉरेनने पार्टी होस्ट आईला फोन केला आणि मेसेज केला पण तिने प्रतिसाद दिला नाही. लॉरेन म्हणाली- "मी तिला 8 वेळा फोन केला, मेसेज पाठवले पण कोणताही प्रतिसाद मिळाला नाही. मग मी मॅनेजरला विचारलं आणि त्याने मला सांगितलं की ते एक तासापूर्वी निघून गेले आहेत." याचा अर्थ पार्टी संपण्याची निश्चित वेळ संध्याकाळी 5 वाजता होती, परंतु पार्टी होस्ट आई दीड तास आधी सर्वांसह निघून गेली.

हे प्रकरण इथंच संपलं नाही. लॉरेनने तिच्या मुलीला विचारलं की तिने काही खाल्लं आहे की नाही. यावर मुलीने उत्तर दिलं, नाही. तिथं अन्न वाटलं गेलं नाही, केक कापला गेला नाही आणि गिफ्टही उघडल्या गेल्या नाहीत." हे ऐकून लॉरेन आणखीनच धक्का बसली. ती म्हणाली, "आता मला वाटतं की मी त्या आईवर विश्वास ठेवून मोठी चूक केली आहे."

लॉरेनच्या या अनुभवाने सोशल मीडियावर वाद निर्माण झाला. अनेकांनी तिचं समर्थन केलं. एका युझरने लिहिलं, "वाढदिवसाच्या पार्टीत मुलांना सोडणं अगदी सामान्य आहे, पण सर्व मुलांना नेण्याआधी पार्टी संपवणं आणि ते ठिकाण सोडणं अत्यंत बेजबाबदार आहे."  काही लोकांनी असंही म्हटलं की कथेची दुसरी बाजू असू शकते. एकाने लिहिलं, "आशा आहे की अल्गोरिदम मला त्या दुसऱ्या आईची कहाणी देखील दाखवेल जेणेकरून संपूर्ण चित्र उघड होईल."