बोंबला! प्रायव्हेट पार्टचा आकार वाढवायला गेला पुरुष, सर्जरीदरम्यान डॉक्टरांकडून मोठी चूक

तज्ज्ञांनी सांगितलं की जेव्हा ऊतींना गंभीर चिकटपणा आला असता तेव्हा शस्त्रक्रिया थांबवायला हवी होती आणि टाके टाकून समस्या सोडवायला हवी होती, पण तरी पुढे जाणं ही एक गंभीर चूक असल्याचं सिद्ध झालं. रुग्णाच्या शरीरात आधीच एक इम्प्लांट होतं जे त्याच्या ऊतींमध्ये मिसळलं होतं. या परिस्थितीत कोणतीही नवीन शस्त्रक्रिया अधिक धोकादायक होती. म्हणूनच, तज्ज्ञांचं मत आहे की डॉक्टरांनी अत्यंत सावधगिरी बाळगली पाहिजे होती. चुकीच्या शस्त्रक्रियेचा परिणाम केवळ शारीरिकच नाही तर मानसिकदेखील झाला. रुग्णाला सामान्य जीवनात आणि दैनंदिन कामांमध्ये अडचणी येत आहेत. लघवी करणे आणि आत्मसन्मान कमी होणे यासारख्या मूलभूत कामांमध्ये अडचण येणं यामुळे तो मानसिक ताणतणावातही ढकलला गेला.

हे प्रकरण न्यायालयात पोहोचलं आणि जानेवारी 2024 मध्ये सोलच्या एका न्यायालयाने डॉक्टरला सुमारे 13100 पाऊंड म्हणजे सुमारे 13 लाख रुपये भरपाई देण्याचे आदेश दिले. डॉक्टरने या निर्णयाला आव्हान दिलं पण त्याची याचिका फेटाळण्यात आली. याचिका फेटाळल्यानंतर न्यायालयाने ऑगस्ट 2025 मध्ये त्याला अतिरिक्त 3000 पाऊंड म्हणजे सुमारे 3 लाख रुपये भरपाई म्हणून देण्याचे आदेश दिले.

सुनावणीदरम्यान असा आरोपही समोर आला की डॉक्टरने रुग्णाला संभाव्य धोके आणि जोखीम याबद्दल आगाऊ माहिती दिली नव्हती. जर जोखमींबद्दल संपूर्ण माहिती दिली असती, तर रुग्ण शस्त्रक्रियेसाठी सहमत झाला नसता.  जर डॉक्टरांनी वेळीच चेतावणी देणारी चिन्हे ओळखली असती तर ऑपरेशन दरम्यान दुखापत टाळता आली असती, असंही निरीक्षण न्यायालयाने नोंदवलं.