22 वर्षांनी उघडकीस आलं सासू-जावयाचं लफडं, सासऱ्याने केली मुलांची DNA चाचणी, मग समोर आलं भयाण सत्य

अलीकडेच एका महिलेने सोशल मीडियावर आपल्या आयुष्यातील गुंतागुंतीच्या नात्याची कथा शेअर केली आहे, ज्याने सगळ्यांनाच धक्का बसला. तिने सांगितलं की, तिच्या स्वतःच्या आईचे तिच्या पतीसोबत गेली 22 वर्षांपासून संबंध होते. एके दिवशी तिने त्या दोघांना आपल्या बेडरूममध्ये आक्षेपार्ह अवस्थेत रंगेहाथ पकडलं. जेव्हा मुलीच्या वडिलांना म्हणजेच जावयाच्या सासऱ्याला ही घटना कळली, तेव्हा त्यांनी तात्काळ आपल्या लहान मुलांची डीएनए चाचणी करून घेतली. त्यानंतर जे रहस्य उघड झालं, त्याने संपूर्ण कुटुंबाला हादरवून सोडले.

सोशल मीडिया प्लॅटफॉर्म रेडिटवर Reddit r/TrueOffMyChest नावाचा एक ग्रुप आहे. त्यावरील @blownupmarriage1 नावाच्या युझरने सुमारे 3 वर्षांपूर्वी एक लांबलचक पोस्ट लिहिली होती, ज्यात तिने आपल्या कुटुंबाशी संबंधित एक धक्कादायक सत्य उघड केलं. ती त्यावेळी 40 वर्षांची होती. तिने सांगितलं की, तिची आई आणि तिचा पती गेली 22 वर्षांपासून संबंधात होते. ती आणि तिचा पती दोघेही 15 वर्षांचे असल्यापासून एकमेकांचे प्रियकर-प्रेयसी होते. जेव्हा ती 17 वर्षांची असताना गरोदर राहिली, तेव्हा तिच्या पालकांनी त्यांना आपल्या घरात राहण्यासाठी जागा दिली. दोघांचेही वय 18 झाल्यावर त्यांनी लग्न केले. लग्नानंतर वडिलांनी आपली मुलगी आणि जावयासाठी आपल्या घराशेजारीच एक घर विकत घेतले, जिथे ते दोघे एकत्र राहू लागले.