बाप रे! नशेच्या व्यसनासाठी आईनेच विकलं लेकीला, डोळे अन् कातडीचे मिळाले 'इतके' पैसे

बाल तस्करी ही एक अतिशय गंभीर समस्या आहे. यामागे जगात एक मोठे रॅकेट काम करत असते. मुलांचे अपहरण करण्यापासून ते त्यांना दुसऱ्या देशात पाठवण्यापर्यंत सर्व काही अतिशय नियोजनबद्ध पद्धतीने केले जाते. काहीवेळा तर स्वतः पालकही या तस्करीमध्ये सामील होतात, जे आपल्या गरिबीला कंटाळून इतर मुलांचे पालनपोषण करण्यासाठी आपल्या एका किंवा दोन मुलांना विकून टाकतात. पण, दक्षिण आफ्रिकेत एक अतिशय धक्कादायक घटना घडली आहे. इथे एका महिलेने पूर्ण शुद्धीने आपल्याच मुलीचे अपहरण केले आणि केवळ पैशांसाठी तिला विकले. कोर्टाने तिला आणि तिच्या साथीदारांना दोषी ठरवून जन्मठेपेची शिक्षा सुनावली आहे.