आश्चर्यम! एकाच हॉस्पिटलमध्ये प्रेग्नन्सी वॉर्डमध्ये काम करणाऱ्या 14 नर्स एकत्र प्रेग्नंट
- Published by:Priya Lad
Last Updated:
Same hospital 14 nurse pregnant together : 'रुग्णालयाच्या प्रसूती आणि स्त्रीरोग विभागात काम करणाऱ्या 14 परिचारिका एकाच वेळी गर्भवती आहेत, त्यामुळे आश्चर्य व्यक्त केलं जात आहे.
वॉशिंग्टन : एकाच रुग्णालयात एकापेक्षा जास्त गर्भवती महिलांची प्रसूती होणं सामान्य आहे. पण तुम्ही कधी एकाच रुग्णालयात एकाच वेळी एकापेक्षा जास्त नर्स गर्भवती असल्याचं पाहिलं आहे का? एका रुग्णालयाची खूप चर्चा आहे जिथं एकाच वेळी 14 परिचारिका गर्भवती आहेत आणि त्यांची प्रसूती काही महिन्यांत होणार आहे. ही विचित्र बातमी ऐकून सोशल मीडियावरील लोक हैराण झाले.
अमेरिकेतील विस्कॉन्सिनमध्ये ग्रीन बे नावाचं एक शहर आहे. येथील सेंट व्हिन्सेंट रुग्णालयात एक विचित्र प्रकरण समोर आलं आहे. रुग्णालयाच्या प्रसूती आणि स्त्रीरोग विभागात काम करणाऱ्या 14 परिचारिका एकाच वेळी गर्भवती राहिल्या. जेव्हा ही बातमी समोर आली तेव्हा सर्वांनाच धक्का बसला.
अमेरिकेत 6 मे ते 12 मे नॅशनल नर्स वीक सुरू असताना मदर्स डेच्या निमित्ताने मेडिकल सेंटरने ही खास बातमी दिली. रुग्णालयाने स्वतः एक प्रेस रिलीज जारी करून याची माहिती दिली. पीपल वेबसाइटच्या अहवालानुसार, रुग्णालयाच्या संचालकांनी सांगितले की, रुग्णालयातील काही परिचारिका पहिल्यांदाच आई होणार आहेत. या सर्व महिला आधीच बाळाची काळजी घेण्यात तज्ज्ञ झाल्या आहेत. आता त्यांचं या क्षेत्रातील ज्ञान वाढेल.
advertisement
त्याच रुग्णालयात परिचारिकांची आरोग्य तपासणी देखील सतत केली जात असल्याचं प्रेस रिलीजमध्ये सांगण्यात आले. अनेक परिचारिकांची प्रसूती वेगवेगळ्या महिन्यांत होते.
या बातमीची माहिती मेल स्पेसेस या इन्स्टाग्राम अकाउंटवरही देण्यात आली. एकाच रुग्णालयातील 14 परिचारिका एकाच वेळी गर्भवती असल्याचं जाणून लोकांना खूप आश्चर्य वाटलं. एका व्यक्तीने कमेंट करत म्हटलं. जर त्या सर्वांनी एकत्र प्रसूती रजा घेतली तर रुग्णालयाची काळजी कोण घेईल? एकाने सांगितले की आता रुग्णालयात मोठ्या प्रमाणात भरती होतील. एकाने सांगितले की रुग्णालयात आता सुमारे आठ महिने कर्मचाऱ्यांची कमतरता असेल.
Location :
Delhi
First Published :
May 16, 2025 9:53 AM IST
मराठी बातम्या/Viral/
आश्चर्यम! एकाच हॉस्पिटलमध्ये प्रेग्नन्सी वॉर्डमध्ये काम करणाऱ्या 14 नर्स एकत्र प्रेग्नंट
