2024 Predictions : 'पुढच्या महिन्यात येणार खुशखबर', 'ही' भविष्यवाणी होऊ शकते खरी; पुरावाही दाखवलाय

मिररच्या रिपोर्टनुसार, या व्यक्तीचे नाव एनो अलारिक आहे आणि त्याने @theradianttimetraveller नावाने त्याचे सोशल मीडिया अकाउंट तयार केलेय. या व्यक्तीने एका व्हिडिओमध्ये सांगितले आहे की, त्याने 647 वर्षे पुढे म्हणजेच 2671 पर्यंतचे जग पाहिले आहे. त्याच्या दाव्यानुसार, मनुष्याला लवकरच अमरत्वाचे सूत्र सापडेल. यासाठी त्यांनी तारीख दिली आहे की 13 जानेवारी 2024 रोजी विज्ञानाला अमरत्वाचा फॉर्म्यूला सापडेल. जो स्पर्श करेल तो जीवनात अमर होईल. त्याने या क्रिस्टलचा फोटोही शेअर केला आहे पण वाईट गोष्ट म्हणजे त्याला स्पर्श केल्यावर सर्व भावना हळूहळू कमी होतील. त्यांचा हा दावा 26 हजारांहून अधिक फॉलोअर्सनी पाहिला आहे, त्यापैकी काही जण या क्रिस्टलची वाट पाहत आहेत, तर काहींनी म्हटले आहे की, मनुष्य अमर असणे योग्य नाही.

आपला मुद्दा बरोबर सिद्ध करण्यासाठी, व्यक्तीने तारखांसह भविष्यातील घटनांचा उल्लेख केला आहे. त्यात म्हटले आहे की 2 एप्रिल 2024 रोजी 9.8 रिश्टर स्केलचा भूकंप होईल आणि 750 फूट उंचीची त्सुनामी येईल. या भूकंपामुळे कॅलिफोर्निया किनारपट्टीचा मोठा भाग नष्ट होईल. एवढेच नाही तर 22 मे 2024 रोजी एक व्यक्ती एक लिक्विड तयार करेल, ज्याला स्पर्श केल्यावर त्याच्यावर पडलेल्या सावलीत जिवंत होईल. शास्त्रज्ञ या लिक्विडचे संपूर्ण सरोवर विकसित करतील. ज्याला द ग्रेट मिरर लेक म्हटले जाईल. ही भाकिते इतकी विचित्र आहेत की लोक विचारू लागले की यापैकी किती भाकिते आतापर्यंत खरी ठरली आहेत?