Helicopter Crash : 2 महिन्यांत पाचवी दुर्घटना! केदारनाथमध्ये का वारंवार हेलिकॉप्टर क्रॅश होत आहेत?

उत्तराखंडमध्ये चारधाम यात्रा सुरू आहे. लाखो भाविक यमुनोत्री, गंगोत्री, बद्रीनाथ आणि केदारनाथ धाम इथं पोहोचत आहेत. काही लोक पायी जात आहेत, तर अनेक लोक हेलिकॉप्टरने दर्शनासाठी धाम येथे पोहोचत आहेत. असंच एक हेलिकॉप्टर रुद्रप्रयागहून केदारनाथला जात होतं, ते सकाळी 5.20 वाजता गौरीकुंडच्या जंगलात कोसळलं. या अपघातात एकूण 7 जणांचा मृत्यू झाला आहे. या मृतांमध्ये महाराष्ट्रातील दोघांचा समावेश असल्याची माहिती समोर आली आहे. या अपघातात पायलटचाही मृत्यू झाला आहे.