"आम्ही सज्ञान, सुशिक्षित अन् सक्षम आहोत", शपथपत्र लिहित 2 मुलींनी केलं एकमेकींशी लग्न; म्हणाल्या...

संबंधित प्रकरण नौगाव तहसील भागातील एका गावाचं आहे. दोन दिवसांपूर्वी या दोन्ही मुली अचानक घरातून बेपत्ता झाल्या होत्या. कुटुंबियांनी नौगाव पोलीस ठाण्यात हरवल्याची तक्रारही दाखल केली होती. त्यानंतर मुलींनी पोलिसांना सांगितलं की, त्या दोघी एकमेकांवर प्रेम करतात आणि एकत्र राहू इच्छितात. छतरपूरमध्ये 3 महिन्यांत समलैंगिक विवाहाची ही दुसरी घटना आहे. यापूर्वी मार्चमध्ये दौरीया गावातील 23 वर्षीय सोनम यादव आणि आसामची मानसी वर्मन यांनी पोलिसांच्या उपस्थितीत पोलीस ठाण्याबाहेर लग्न केलं होतं. त्यावेळीही मुलीने कुटुंबाशी कोणताही संबंध नसल्याचं सांगितलं होतं.

21 वर्षीय तरुणीने आपल्या प्रतिज्ञापत्रात म्हटलं आहे की, ती सज्ञान, सुशिक्षित आणि मानसिकदृष्ट्या सक्षम आहे. हे नातं माझ्या इच्छेने आहे. मी माझ्या कुटुंबाला सांगितलं नाही आणि आता माझा त्यांच्याशी कोणताही संबंध नाही. काही वाद झाल्यास, ती माझी जबाबदारी असेल. कुटुंबीय हे नातं स्वीकारत नसल्यामुळे, आम्ही सुरक्षेसाठी कायदेशीर मार्ग निवडला आहे.