स्टंट करायला गेला आणि भलतंच करुन बसला... भरधाव कारचा धक्कादायक Video Viral

खरंतर स्टंटच्या नादात हा संपूर्ण प्रकार घडला ज्यामध्ये तरुणांनी स्वत:चा जीव तर धोक्यात टाकला शिवाय दुसऱ्यांचा जीव देखील धोक्यात टाकला आहे. काही तरुण हे सोशल मीडियासाठी, तर कधी मज्जा म्हणून स्टंट करतात आणि असे लोक तुम्हाला रस्त्यावर वेळोवेळी पाहायला मिळतील.

हे असे स्टंट कधीकधी या लोकांच्या जीवावर बेततात, तर काही वेळा यांच्या चुकीची शिक्षा इतरांना भोगावी लागते. सध्या याच संबंधीत एक व्हिडीओ सोशल मीडियावर समोर आला आहे. जो पाहाताना तुम्ही श्वास रोखून पाहाल, इतका तो धोकादायक आहे.

ही घटना जवळील सीसीटीव्ही कॅमेरामध्ये कैद झाली आहे. या व्हिडीओमध्ये हे स्पष्ट दिसत आहे की फुटपाथवर काही लोकं आहे. तेव्हा रात्रीच्या अंधारात लांबून भरधाव वेगाने कार येताना दिसत आहे. या कारचा वेग पाहून लोक सैरावैरा पळू लागले आणि आपला जीव वाचवण्यासाठी एका कोपऱ्यात जमले.

पण ही भरधाव कार देखील त्या कोपऱ्यापर्यंत आली आणि तितक्यात ती कार तेथून वळली, पण असं असलं तरी या कारने टर्न मारताच तिच्या मागची बाजू जोरदार एका तरुणाला अदळली, ज्यामुळे हा तरुण गंभीर जखमी झाला.

नशीबानं त्या कारने तेथून टर्न मारला, नाहीतर तेथे असलेल्या सर्वच लोकांचं काय झालं असतं, हे काही वेगळं सांगायला नको. पण या कारने ज्या तरुणाला धडक दिली, त्याने आपला जीव गमावल्या असल्याची माहिती मिळवली आहे.

ही घटना गुरुग्राममधील असल्याचे कळत आहे. ही घटना रविवारी पहाटे दोनच्या सुमारास उद्योग विहार फेज-4 येथे घडली. सीसीटीव्ही कॅमेऱ्यात कैद झालेल्या या घटनेचा व्हिडिओ सोशल मीडियावर व्हायरल होत आहे.

क्लिपमध्ये, मद्यधुंद अवस्थेत काही तरुण दुकानाबाहेर मारुती एर्टिगा, ह्युंदाई व्हेन्यू आणि ह्युंदाई क्रेटा वापरून स्टंट करताना दिसतात. अचानक, एका एसयूव्हीचे नियंत्रण सुटले आणि ती समोर येऊन धडकली. या घटनेत एकला जागीच जीव गमवावा लागला, तर इतर दोघे जखमी झाले आहेत.

या घटनेत आतापर्यंत 7 जणांना अटक करण्यात आली असून दोन गाड्या जप्त करण्यात आल्या आहेत.