'गुरुवार को पावभाजी खाकर आना, सिनेमाचं तिकीट' सोशल मीडियावरील का होतंय व्हायरल? हा ट्रेंड नक्की आहे तरी काय?

गुरुवारी तर दसरा आहे मग हा पावभाजीवाला ट्रेंड काय? दसऱ्याच्या धामधुमीत लोक अचानक पावभाजी आणि सिनेमाचं तिकीट का आठवू लागले? असा विचार तुम्ही पण करत असाल.

खरंतर याचा संबंध आहे बॉलिवूडच्या बहुचर्चीत चित्रपटाशी. होय, आपण बोलतोय "दृश्यम" सिनेमाबद्दल. विजय साळगावकर आपल्या कुटुंबाला वाचवण्यासाठी एक "परफेक्ट स्टोरी" तयार करतो आणि 2 ऑक्टोबरच्या दिवशी त्यांनी काय केलं याचा तपशीलवार प्लॅन सांगतो सकाळी पावभाजी खाल्ली, मग सिनेमा पाहिला आणि नंतर सत्संगला हजेरी लावली. सिनेमातील हा सीन इतका प्रभावी ठरला की प्रेक्षकांच्या लक्षात तो चांगलाच राहिला आहे, त्यामुळे दर 2 ऑक्टोबरला लोक या सीनची आठवण काढतात.

तेव्हापासून दरवर्षी 2 ऑक्टोबरला इंटरनेटवर हा सीन पुन्हा जिवंत होतो. यावर्षी दसऱ्यासोबत 2 ऑक्टोबर, गांधीजयंती आल्यामुळे अनेकांना या ट्रेंडचा विसर पडला आहे, ज्यामुळे सोशल मीडियावर हा ट्रेंड पाहून काही लोक गोंधळले आहेत.

यंदा दसऱ्याच्या गजबजाटातही हा ट्रेंड पुन्हा व्हायरल होतोय आणि सोशल मीडियावर हास्याचे फवारे उडवत आहे.