का आहे स्टार कासवांना मागणी? 'या' कारणामुळे होते मोठ्या प्रमाणात होते तस्करी

अलीकडेच, महसूल गुप्तचर संचालनालयाच्या (DRI) मुंबई प्रादेशिक युनिटने थायलंडमधून भारतात तस्करी करत असलेल्या 306 जिवंत विदेशी प्राण्यांना पकडले आहे. ज्यामध्ये अनेक प्रकारचे मासे, गोगलगाय, खेकडे आणि स्टार टर्टल्ससह इतर अनेक प्रजातींचा समावेश होता. कासवांमध्ये स्टार कासवांच्या तस्करीच्या घटना अनेकदा समोर येतात. पण प्रश्न असा की या कासवांची तस्करी का केली जाते?

कासवांच्या अनेक प्रजाती आहेत, ज्यांची जगभरात मोठ्या प्रमाणावर तस्करी केली जाते. यापासून तयार होणारी औषधे, धार्मिक महत्त्व इत्यादी कारणे तस्करीमागे आहेत. स्टार कासवाच्या पाठीवर पिवळे आणि काळ्या रंगाची सुंदर कलाकृती असते, ते पिरॅमिडसारखे दिसते. त्यामुळे सुंदर दिसण्याबरोबरच अनेक गैरसमजांमुळे कासवांची तस्करी केली जाते.

दक्षिण पूर्व आशियासह अनेक ठिकाणी लोकांचा असा विश्वास आहे की पाठीवरील कवचीला तारे असणारे कासव नशिब पालटते. त्यामुळे त्यांना पाळणे तुमचे नशीब बदलेल. या कारणास्तव, त्यांना घरांमध्ये वाढवण्याची मागणी वाढत आहे. पण लोक त्यांना घरी वाढवण्यासाठी मोठा खर्च करण्यास तयार असतात.

स्टार कासवांपासून माणसाचे लिंग वाढवणारे औषधेही तयार केली जातात, त्यामुळे आंतरराष्ट्रीय बाजारात त्यांना चांगली मागणी आहे. यामुळे त्यांची किंमत 15,000 ते 25,000 रुपयांपर्यंत आहे.

भारतीय स्टार कासव कासव जिओचेलॉन एलिगन्स कुटुंबातून येतात. स्टार कासव भारतीय उपखंडातील विविध ठिकाणी, प्रामुख्याने भारताच्या मध्य आणि दक्षिण भागात, तसेच पश्चिम पाकिस्तान आणि श्रीलंकेमध्ये देखील आढळतात.

भारतात, हे स्टार कासव प्रामुख्याने तामिळनाडू आणि आंध्र प्रदेशच्या जंगलात आढळतात, ते कोरड्या गवताळ प्रदेशात आणि झुडुपांमध्ये राहतात आणि त्यांचा आहार गवत, फळे, फुले आणि वनस्पतींच्या पानांवर आधारित असतो. त्यांचे आयुष्य 25 ते 80 वर्षांच्या दरम्यान आहे आणि त्यांची लांबी 10 ते 38 सेमी पर्यंत असू शकते, त्यांचे वजन 1000 ते 6600 ग्रॅम (1-6.6 किलो) असू शकते.