सोयाबीनच्या दरवाढीची घोडदौड सुरूच! बाजारभाव आणखी कडाडणार? आजचे बाजार भाव काय?

विदर्भातील बाजार समित्यांमध्ये सोयाबीनचे दर तुलनेने मजबूत राहिले आहेत. ४ फेब्रुवारी रोजी नागपूर बाजार समितीत ९६९ क्विंटल आवक झाली. येथे किमान दर ४६००, कमाल दर ५७२६, तर सर्वसाधारण दर ५४४४ रुपये राहिला. अमरावती बाजारात ३ फेब्रुवारी रोजी ४३०२ क्विंटल आवक असून सरासरी दर ५३०० रुपये नोंदवण्यात आला. कारंजा येथे सर्वाधिक ६८०० क्विंटल आवक झाली असून येथे सर्वसाधारण दर ५५२० रुपये राहिला.

मराठवाडा विभागात मोठ्या प्रमाणावर आवक असूनही दर फारसे घसरलेले नाहीत. जालना बाजार समितीत ४००९ क्विंटल सोयाबीनची आवक झाली. येथे कमाल दर ६१०० रुपये तर सर्वसाधारण दर ५५५० रुपये नोंदवला गेला. माजलगाव येथे १३६५ क्विंटल आवकेसह ५५५० रुपये दर मिळाला. नांदेड बाजारात २३२ क्विंटल आवक असून सरासरी दर ५२५० रुपये राहिला.

उत्तर महाराष्ट्रातील लासलगाव आणि लासलगाव-विंचूर बाजार समित्यांमध्ये सोयाबीनचे व्यवहार मोठ्या प्रमाणावर झाले. लासलगाव येथे ७०५ क्विंटल आवक असून सर्वसाधारण दर ५६८० रुपये, तर विंचूर येथे ९२५ क्विंटल आवकेसह ५६५० रुपये दर नोंदवला गेला. पिंपळगाव (ब) – पालखेड येथे हायब्रीड सोयाबीनला सरासरी ५७४० रुपये दर मिळाला, तर जळगाव बाजारात ५५०० रुपये दर राहिला.

राज्यातील काही बाजारांत सोयाबीनने उच्चांक गाठला आहे. मंगरुळपीर बाजार समितीत २११७ क्विंटल आवक असून येथे कमाल दर ६७५५ रुपये नोंदवण्यात आला. वाशीम येथे कमाल दर ६५०० रुपये, तर यवतमाळ येथे ५९०० रुपये दर मिळाल्याने शेतकऱ्यांमध्ये समाधानाचे वातावरण आहे. औराद शहाजानी, देवणी आणि आंबेजोबाई या बाजारांतही ५६०० ते ५७०० रुपयांच्या आसपास दर टिकून आहेत.

मात्र सर्वत्रच चांगले दर मिळत आहेत असे नाही. वरोरा बाजारात किमान दर थेट २७१५ रुपये इतका खाली आला आहे. तळोदा, गंगाखेड, लातूर-मुरुड यांसारख्या बाजारांतही दर ४२०० ते ४९०० रुपयांच्या दरम्यान राहिले. कमी प्रत, ओलावा आणि काही ठिकाणी जास्त आवक ही त्यामागची प्रमुख कारणे असल्याचे व्यापाऱ्यांचे म्हणणे आहे.