पानगळ होईल अन् झाड वाळून जाईल; पेरूच्या बागेची लगेच घ्या काळजी, धोकादायक रोगावर उपाय

सांगली: सध्याच्या काळात पश्चिम महाराष्ट्रात अनेक शेतकरी पेरूच्या शेतीकडे वळत आहेत. बाजारात चांगला दर आणि बारमाही मागणी यामुळे शेतकऱ्यांचा कल पेरूच्या शेतीकडे वाढत आहे. परंतु, फळबागांच्या शेतीला रोगांचा धोका अधिक असतो. तसेच पेरूच्या बागेलाही निमॅटोड रोगाचा धोका जास्त असतो. या रोगाला वेळीच रोखण्याची गरज असते. अन्यथा पूर्ण झाडच संपण्याची शक्यता असते. त्यामुळे निमॅटोडपासून पेरूच्या बागेचे रक्षण कसे करावे? याबाबत सांगलीतील बागायतदार उदय पाटील यांनी लोकल18 सोबत बोलताना माहिती दिलीये.

कधी कधी पेरू बागेमध्ये अचानक रोपांची मर होते. बहरात आलेली झाडे अचानक सुकू लागतात. पाने, फुले आणि फळे ही वाळू लागतात. यामुळे कष्टाने जतन केलेली फळझाडे मरू शकतात. यातून शेतकऱ्यांचे मोठे आर्थिक नुकसान होते. हे टाळण्यासाठी सूत्रकृमींपासून पासून होणाऱ्या निमॅटोड रोगाची लक्षणे ओळखून वेळीच नियंत्रण करणे गरजेचे ठरेल.