Farmer Success: शेतकऱ्यानं डोकं लावलं, पाळल्या जाफराबादी म्हशी, महिन्याची उलाढाल 2 लाख!

छत्रपती संभाजीनगर : शेतीला जोड व्यवसाय म्हणून शेतकरी पूर्वापार शेळीपालन, कुक्कुटपालन किंवा पशुपालन करत आहेत. गाई आणि म्हशी पालनातून दूध आणि खत असता दुहेरी फायदा होत असल्याने बहुतांश शेतकरी ते पाळतात. छत्रपती संभाजीनगर तालुक्यातील करमाडचे शेतकरी संदीप उकर्डे हे शेतीला जोड व्यवसाय म्हणून जाफर म्हशींचे पालन करत आहेत. या म्हैसपालनातून दिवसाला 6 ते 7 हजारांची उलाढाल होतेय. यातून म्हशींच्या खाद्याचा आणि इतर लागणारा खर्च वजा करून दिवसाला 3 हजार रुपये नफा मिळतो. तर महिन्याला 90 हजार रुपये कमाई होत असल्याचे संदीप उकर्डे लोकल18 सोबत बोलातना सांगतात.