Success Story : नाद खुळा! पंजाबचा शेतकरी किन्नूच्या फळबागातून वर्षाला घेतोय 37,00000 रुपयांचे उत्पन्न

अजय विश्नोई यांनी किन्नू शेती विषयी अधिकची माहिती दिली आहे, ते म्हणाले की, किन्नू लागवड आर्थिकदृष्ट्या फायदेशीर ठरत आहे. त्यांच्या 25 एकर जमिनीत त्यांना वर्षाला सुमारे 200 क्विंटल किन्नूचे उत्पादन मिळते. किन्नू लागवडीसाठी एकरी सुमारे 20 हजार रुपये खर्च येतो, परंतु योग्य व्यवस्थापन आणि काळजी घेतल्यास हा खर्च भरघोस नफ्यात बदलतो.

अजय विश्नोई यांनी सांगितले की किन्नू लागवडीतील उत्पन्नाची पातळी बाजारपेठेनुसार बदलू शकते. हे पूर्णपणे किन्नूची बाजारपेठेतील मागणी आणि पुरवठ्यावर अवलंबून असते. काही वर्षात किन्नूचा भाव 2000 ते 2200 रुपये प्रति क्विंटल असतो, तर काही वर्षात तो 1000 ते 1200 रुपये प्रति क्विंटलपर्यंत खाली येतो. अजय विश्नोई यांच्या मेहनतीमुळे आणि प्रगत शेती पद्धतीमुळे त्यांच्या उत्पन्नात लक्षणीय वाढ झाली आहे. त्यांच्या म्हणण्यानुसार, किन्नू लागवडीतून एकरी उत्पन्न 80 हजार ते दीड लाख रुपयांपर्यंत असू शकते. अशा प्रकारे ते त्यांच्या 25 एकर जमिनीवर किन्नूच्या शेतीतून वर्षाला लाखो रुपये कमावत आहेत.