कृषी समृद्धी योजनेचा ५,६६८ कोटींचा निधी आला, कोणत्या घटकाला किती पैसे मिळणार?

मुंबई : राज्यातील शेतीला आधुनिक तंत्रज्ञानाची जोड देत उत्पादनक्षमतेत वाढ करण्यासाठी सरकारने मोठा निर्णय घेतला आहे. शेतकऱ्यांच्या विकासाला गती देण्यासाठी 'कृषी समृद्धी योजना' राबविण्यात येणार असून या योजनेतून शेतकऱ्यांना ड्रोन, शेततळे, सुविधा केंद्रे आणि ट्रॅक्टर चलित रुंद सरी वरंब (बीबीएफ) यंत्रांसाठी अनुदान देण्यात येणार आहे. यासाठी राज्य सरकारने पुढील तीन वर्षांसाठी तब्बल ५,६६८ कोटी रुपयांच्या निधीस मंजुरी दिली आहे. यासंदर्भातील शासन निर्णय कृषी विभागाने जारी केला आहे.