Agrcultre News : हरभरा पेरणी कशी करावी? वाणांची निवड करतांनी काय काळजी घ्यावी? कृषी तज्ज्ञांचा महत्त्वाचा सल्ला

एक ते 15 नोव्हेंबर हा हरभरा पेरणीचा काळ आहे. परंतु यंदा पावसाळा लांबल्याने 30 नोव्हेंबरपर्यंत आपण हरभऱ्याची पेरणी करू शकतो. हरभऱ्याची पेरणी 20 तारखेनंतर करत असाल तर बियाण्याचे प्रमाण 10 ते 15 टक्के शिल्लक ठेवावे. यामुळे उत्पादनावर परिणाम होत नाही. तर 30 नोव्हेंबरनंतर हरभरा पेरणी केल्यास उत्पादनात घट येण्याची शक्यता आहे. हरभरा पिकामध्ये तीन प्रकारची वाणं असतात. लहान आकाराचे, मध्यम आकाराचे आणि मोठ्या आकाराचे बियाण्याच्या आकारमानानुसार एकरी प्रमाण ठरते.

लहान दाण्याचे वाण असेल तर एकरी 25 किलो हरभरा बियाणे पेरावे. मध्यम आकाराचे हरभरा बियाणं असेल तर एकरी 30 ते 32 किलो बियाणे पेरावे. तर काबुली हरभऱ्याचे एकरी 40 किलो बियाणे पेरावे. हरभऱ्याची सर्वसाधारणपणे ट्रॅक्टरने पेरणी केली जाते. दोन ओळीतील अंतर 30 ते 45 सेमी तर दोन झाडांतील अंतर 10 ते 15 सेंटीमीटर राहील याची काळजी घ्यावी.