बच्चू कडूंच्या आंदोलनात जरांगेंची एन्ट्री! कर्जमाफी होणार? नागपूरमध्ये मोठी घडामोड

नागपूर : राज्यातील राजकीय वातावरण चांगलेच तापले आहे. प्रहार जनशक्ती पक्षाचे नेते आणि आमदार बच्चू कडू यांच्या नेतृत्वाखाली नागपूरमध्ये सुरू असलेल्या शेतकरी आंदोलनाने सरकारची झोप उडवली आहे. या आंदोलनाला राज्यातील विविध शेतकरी संघटनांनी जोरदार पाठिंबा दिला आहे. स्वाभिमानी शेतकरी संघटनेचे नेते राजू शेट्टी, अखिल भारतीय किसान सभेचे अजित नवले यांच्यासह अनेक नेते प्रत्यक्ष सहभागी झाले आहेत. आता मराठा आरक्षण चळवळीचे नेते मनोज जरांगे पाटील हेही नागपूरकडे रवाना झाल्याची माहिती समोर आली आहे. त्यामुळे आंदोलनाला नवा वेग मिळण्याची शक्यता व्यक्त केली जात आहे.