Namo Shetkari Yojana : नमो शेतकरी योजनेचा आठवा हफ्ता आला, 90 लाख शेतकऱ्यांच्या खात्यात 1800 कोटी जमा, तुमचे पैसे आले का? कसे तपासाल?

Published by:Prashant Gomane

Last Updated:Mar 25, 2026 7:36 PM IST

नमो शेतकरी महासन्मान निधी योजनेचा 8 वा हफ्ता आज जमा झाला आहे. मुख्यमंत्री देवेंद्र फडणवीस यांनी आज विधानसभेत विरोधकांच्या अंतिम आठवडा प्रस्तावावर उत्तर देताना याबाबतची माहिती दिली आहे.

इम्पॅक्ट शॉटतुमचा गेटवे लेटेस्ट न्यूज

Translate

Namo Shetkari Yojana Status Check : राज्यातील लाखो शेतकऱ्यांना आर्थिक दिलासा देणारी बातमी समोर आली आहे. नमो शेतकरी महासन्मान निधी योजनेचा 8 वा हफ्ता आज जमा झाला आहे. मुख्यमंत्री देवेंद्र फडणवीस यांनी आज विधानसभेत विरोधकांच्या अंतिम आठवडा प्रस्तावावर उत्तर देताना याबाबतची माहिती दिली आहे. राज्यातील 90 लाख शेतकऱ्यांच्या खात्यात 1800 कोटी जमा करण्यात आले आहेत. त्यामुळे शेतकऱ्यांना मोठा दिलासा मिळाला आहे. दरम्यान शेतकऱ्यांनी ही रक्कम त्यांच्या खात्यात जमा झाली आहे का? हे कसे तपासायचे आहे? त्यासाठी स्टेप्स काय आहेत? हे जाणून घेऊयात.

विरोधकांच्या अंतिम आठवडा प्रस्तावावर बोलताना मुख्यमंत्री देवेंद्र फडणवीस यांनी नमो शेतकरी महासन्मान योजनेबद्दल देखील माहिती दिली. नमो शेतकरी महासन्मान योजना आपण सूरू केली. या योजनेत केंद्र सरकारचे 6000 आणि राज्य सरकारचे 6000. अशाप्रकारे आज त्याचा हफ्ता आपण शेतकऱ्यांच्या खात्यात जमा केलेला आहे. आजच 90 लाख शेतकऱ्यांच्या खात्यामध्ये आपण 1800 कोटी रूपये आपण जमा केलेले आहेत, अशी माहिती मुख्यमंत्री देवेंद्र फडणवीस यांनी दिली आहे. तसेच आतापर्यंत केंद्र सरकार आणि राज्य सरकार मिळून दोन्ही योजनेमार्फत शेतकऱ्यांच्या खात्यामध्ये 54 हजार कोटी रूपये आपण जमा केले आहेत,असेही मुख्यमंत्री देवेंद्र फडणवीस यांनी सांगितले आहे.

खात्यात पैसे आल्याचे कसे तपासाल

पहिल्यांदा ही साईट https://nsmny.mahait.org/ तुमच्या मोबाईल किंवा लॅपटॉपवर सूरू करावी.

साईट ओपन होताच लॉगिन आणि Beneficiary Status हे दोन पर्यात दिसतील.

स्टेटस चेक करण्यासाठी Beneficiary Status ऑप्शनवर क्लिक करा.

नवीन पेज ओपन होता तुम्हाला मोबाईल नंबर आणि रजिस्ट्रेशन नंबर हे पर्याय दिसतील.

मोबाईल नंबर द्वारे स्टेटस चेक करायचे असल्यास मोबाईल नंबर पर्याय निवडावा.त्यानंतर मोबाईल नंबर टाकून कॅप्चा कोड टाकावा आणि गेट डाटा वरती क्लिक केल्यावर तु्म्हाला तुमचं स्टेटस दिसेल.

जर मोबाईलद्वारे स्टेटस पाहण्यात अडचणी येत असतील तर आपण रजिस्ट्रेशन नंबरद्वारे स्टेटस चेक करू शकता. यासाठी मोबाईज ऐवजी रजिस्ट्रेशनचा नंबरचा पर्याय निवडावा लागेल.जर तुम्हाला रजिस्ट्रेशन नंबर माहित नसल्यास Know Your Registration No या पर्यायावर क्लिक करावे. त्यानंतर आधार नंबर पर्याय निवडा.

आधार पर्यायामध्ये आपला आधार क्रमांक टाकावा. व कॅप्चा कोड टाकून गेट आधार ओटीपी ऑप्शनवर क्लिक कराले.आधार लिंक असलेल्या मोबाईलवर एक सहा अंकी ओटीपी जाईल,तो ओटीपी टाकावा त्यानंतर तुम्हाला रजिस्ट्रेशन क्रमांक पाहायला मिळेल.

रजिस्ट्रेशन क्रमांक टाकून तूम्ही Namo Shatkari Yojana Beneficiary Status पाहू शकता. अशाप्रकारे तुम्हा पैसे जमा झाले आहेत की नाही? हे चेक करता येणार आहे.

view comments