Turmeric Farming: महाराष्ट्रात सेंद्रिय हळदीला शेतकऱ्यांची पसंती! फायदे,बाजारभाव समजून घ्या

अर्धापूर, नांदेड, कंधार, लोहा, भोकर, मुदखेड, नायगाव व हदगाव या तालुक्यांतील शेतकरी आपल्या जमिनीपैकी काही भागात हळदीसाठी राखून ठेवतात. हे पीक मेहनत आणि खर्च जास्त मागते, तरी आंतरराष्ट्रीय बाजारपेठेत हळदीला वाढलेली मागणी पाहता, शेतकऱ्यांनी सेलम, फुले स्वरूपा व आर्दी (मेघालय) वाणांची लागवड सुरू केली आहे.

सेंद्रिय पद्धतीने उत्पादित हळदीमध्ये कर्क्युमिनचे प्रमाण अधिक असते. कर्क्युमिन हे एक शक्तिशाली अँटीऑक्सिडंट असून सूज, त्वचेच्या समस्या, पचन विकार आणि शरीरातील विषारी घटक कमी करण्यास मदत करते. याशिवाय रोगप्रतिकारक शक्ती वाढवण्यासाठी सेंद्रिय हळद उपयुक्त मानली जाते. त्यामुळे बाजारात रासायनिक हळदीच्या तुलनेत सेंद्रिय हळदीस अधिक दर मिळतो.

शेतकरी गेल्या सात वर्षांपासून सेंद्रिय शेती करत आहेत. त्यांच्या हळदीला नियमित बाजारभावापेक्षा जास्त किंमत मिळते.ते शेतीसाठी लागणाऱ्या निविष्ठाही स्वतः तयार करतात.