शेतकऱ्यांची उत्सुकता शिगेला! PM Kisan चा 20 वा हप्ता कधी मिळणार?

सरकारने शेवटचा म्हणजेच १९ वा हप्ता २४ फेब्रुवारी २०२५ रोजी शेतकऱ्यांच्या खात्यात पाठवला होता. त्यापूर्वीचा १८ वा हप्ता जून २०२४ मध्ये आणि १७ वा हप्ता १८ जून २०२४ रोजी जारी झाला होता. त्यामुळे २० वा हप्ता जून २०२५ मध्ये येण्याची अपेक्षा होती, परंतु जुलै महिन्याचा शेवट जवळ येऊनही कोणतीही अधिकृत माहिती उपलब्ध झालेली नाही.

PM-KISAN योजनेचा उद्देश लहान व सीमांत शेतकऱ्यांना आर्थिक आधार देणे हा आहे. योजनेअंतर्गत पात्र शेतकऱ्यांना दरवर्षी ६,००० रुपये मिळतात, जे तीन टप्प्यांमध्ये २,००० रुपयांचे हप्ते म्हणून वितरित केले जातात. शेतकऱ्यांच्या खात्यात ही रक्कम थेट व कोणत्याही मध्यस्थाशिवाय जमा केली जाते.

जर तुम्हाला २० वा हप्ता अद्याप मिळालेला नसेल, तर घाबरण्याची गरज नाही. सरकार लवकरच याबाबत अपडेट देऊ शकते. तोपर्यंत शेतकऱ्यांनी पीएम किसान पोर्टलवर नियमितपणे खात्याची स्थिती तपासत राहावी.

https://pmkisan.gov.in या अधिकृत वेबसाईटला भेट द्या. 'Payment Success' विभागाखालील पिवळ्या 'Dashboard' बटणावर क्लिक करा. तुमच्यासमोर 'Village Dashboard' उघडेल. राज्य, जिल्हा, तालुका आणि पंचायत याची माहिती भरून ‘Get Report’ वर क्लिक करा. नंतर लाभार्थी यादीत तुमचं नाव आहे का ते तपासा.

PM किसान योजनेसंदर्भात सोशल मीडियावर अनेक फेक लिंक, मेसेज आणि कॉल्स पसरवले जात आहेत. या सर्व गोष्टींपासून दूर राहणे अत्यंत आवश्यक आहे. सरकारकडून स्पष्ट करण्यात आले आहे की, फक्त pmkisan.gov.in या अधिकृत वेबसाईटवर आणि @pmkisanofficial या सोशल मीडिया हँडलवर दिलेली माहितीच खरी समजावी.

शेतकऱ्यांनी कोणतीही अफवा पसरवू नये किंवा त्यावर विश्वास ठेवू नये. २० व्या हप्त्याशी संबंधित अधिकृत घोषणा लवकरच करण्यात येईल, अशी अपेक्षा आहे. तोपर्यंत खात्याची स्थिती आणि पोर्टलवरची माहिती वेळोवेळी तपासावी, असे सरकारने आवर्जून सांगितले आहे.