अखेर प्रतीक्षा संपली! 'या' तारखेला पीएम किसानचा २२ वा हप्ता शेतकऱ्यांच्या खात्यात जमा होणार

पीएम-किसान योजनेअंतर्गत पात्र शेतकऱ्यांना दरवर्षी ६ हजार रुपयांची आर्थिक मदत दिली जाते. ही रक्कम तीन समान हप्त्यांमध्ये म्हणजेच प्रत्येकी २ हजार रुपयांच्या स्वरूपात थेट शेतकऱ्यांच्या बँक खात्यात जमा केली जाते.

गेल्या काही दिवसांपासून शेतकऱ्यांमध्ये या हप्त्याबाबत विविध चर्चा सुरू होत्या. काहीजणांनी होळीच्या सणापूर्वी हा हप्ता जमा होईल, अशी अपेक्षा व्यक्त केली होती. मात्र तसे झाले नाही.

१३ मार्च रोजी पंतप्रधान नरेंद्र मोदी आसाम दौऱ्यावर असणार आहेत. या कार्यक्रमादरम्यान देशभरातील पात्र शेतकऱ्यांच्या खात्यात पीएम-किसान योजनेचा २२ वा हप्ता वितरित केला जाणार आहे.

शेतकरी आगामी हप्त्यासाठी पात्र आहेत की नाही हे तपासण्यासाठी अधिकृत वेबसाइटवर जाऊन लाभार्थी यादी तपासू शकतात. यासाठी खालील प्रक्रिया वापरता येते.

‘Beneficiary List’ किंवा लाभार्थी यादी या विभागावर क्लिक करा.

सरकारने पीएम-किसान योजनेसाठी ई-केवायसी प्रक्रिया अनिवार्य केली आहे. ज्या शेतकऱ्यांनी अद्याप ई-केवायसी पूर्ण केलेले नाही, त्यांना पुढील हप्त्याचा लाभ मिळण्यात अडचण येऊ शकते. त्यामुळे लाभार्थी शेतकऱ्यांनी लवकरात लवकर ई-केवायसी प्रक्रिया पूर्ण करण्याचे आवाहन प्रशासनाने केले आहे.

पीएम-किसान योजना ही केंद्र सरकारची शेतकऱ्यांसाठीची महत्त्वाची आर्थिक मदत योजना मानली जाते. या योजनेमुळे छोट्या आणि मध्यम शेतकऱ्यांना शेतीसाठी लागणाऱ्या खर्चात काही प्रमाणात आर्थिक आधार मिळतो.