जास्त बाजारभावाचे आमिष अन् शेतकऱ्यांना व्यापाऱ्यांकडून 2 कोटी 27 लाखांचा गंडा, नेमकं काय आहे प्रकरण?

नांदेड : सोयाबीन, हरभरा आणि तुरीला बाजारपेठेत मिळणाऱ्या दरापेक्षा अधिक भाव देण्याचे आमिष दाखवून धर्माबादमधील पाच व्यापाऱ्यांनी शेतकऱ्यांची सुमारे 2 कोटी 27 लाख रुपयांची फसवणूक केल्याचा प्रकार उघड झाला आहे. 2022 पासून डिसेंबर 2024 पर्यंत या व्यापाऱ्यांनी जवळपास 2 हजार 664 क्विंटल शेतीमाल खरेदी केला. मात्र पैसे देण्याऐवजी वेळकाढूपणा करत शेतकऱ्यांना तब्बल दोन वर्षे फसवत ठेवले. अखेर वैतागलेल्या शेतकऱ्यांनी पोलिस ठाण्याचा दरवाजा ठोठावला असून, या प्रकरणात गुन्हा दाखल करण्यात आला आहे.